ganeshotsav 2023: गणेशोत्सवाची सुरुवात कशी झाली? इतिहास आणि शुभ मुहूर्त घ्या जाणून

Ganesh Chaturthi history: भाद्रपद महिन्यातील शुक्ल पक्षातील चतुर्थी तिथीपासून गणेशोत्सवाला सुरुवात होते. यावर्षी गणेश चतुर्थीचा उत्सव भाद्रपद चतुर्थी १९ सप्टेंबर २०२३ रोजी होईल, जिथे गणपतीची स्थापना केली जाईल. हा उत्सव दहा दिवस चालतो. गणेश उत्सवाचा हा उत्सव भाद्रपद महिन्यातील शुक्ल पक्षातील चतुर्थी तिथीपासून सुरू होतो आणि अनंत चतुर्दशी तिथीपर्यंत चालतो. दरम्यान, १० दिवस चालणारा हा सण मोठ्या थाटामाटात साजरा केला जातो. तुमच्या घरी श्रीगणेशाचे आगमन होत असेल तर खालील माहिती तुमच्यासाठी अतिशय महत्त्वाची आहे.

यंदा भाद्रपद महिन्यातील शुक्ल पक्षातील गणेश चतुर्थी १९ सप्टेंबर २०२३ रोजी आहे. या दिवसापासून गणेश चतुर्थीला सुरुवात होत आहे. यानंतर २८ सप्टेंबर २०२३ रोजी अनंत चतुर्थी आहे. या दिवशी बाप्पाच्या मूर्तीचे विसर्जन केले जाते.

Gautam Buddha : अडचणी सोडवण्याचा मार्ग कोणता?, वाचा गौतम बुद्धांचा मोलाचा संदेश

इतिहास:

गणेश चतुर्थी हा उत्सव मराठा साम्राज्याचे संस्थापक छत्रपती शिवाजी महाराज यांच्या काळात १६३०-१६८० मध्ये सुरु झाल्याचा अंदाज आहे. त्यांनी या उत्सवातून शिवरायांनी पुण्यात उत्सवाला सुरुवात केली, असे म्हटले जाते. यानंतर पेशव्यांनी गणेशे उत्सवाचा कार्यक्रम पुढे नेला. पेशवाईच्या समाप्तीनंतर हा एक कौटुंबिक उत्सव राहिला. दरम्यान, १९८३ मध्ये भारतीय स्वातंत्र्य सेनानी आणि समाजसुधारक गंगाधर लोकमान्य टिळक यांनी गणेश उत्सव पुनरुज्जीवित केला. हे लोकांनी मोठ्या उत्सवाने स्वीकारले, असे बोलले जाते. गणेशोत्सवाच्या निमित्तानं सर्व समाज एकत्र येत असेल तर ती आनंदाची बाब आहे, असे टिळकांनी म्हटले होते. गणेश चतुर्थीला गणपतीची प्रतिष्ठापना केल्यानंतर काही लोक दीड दिवसांनी, काही पाच, सात किंवा अकराव्या दिवशी गणपतीचे विसर्जन करतात.

महत्त्व:

या सणाला खूप सांस्कृतिक आणि धार्मिक महत्त्व आहे. भारतात यशासाठी आणि अडथळे दूर करण्यासाठी श्रीगणेशाची पूजा केली जाते. श्रीगणेशाची पूजा केल्याने आपले ध्येये पूर्ण होण्यास मदत होते, असेही म्हटले जाते. जे लोक श्रीगणेशाची पूजा करतात, त्यांचे पाप धुतले जातात आणि त्यांच्या ज्ञानात भर पडते, असेही बोलले जाते.

मुहूर्त:

भाद्रपद महिन्यातील शुक्ल पक्षातील चतुर्थी तिथी १८ सप्टेंबर २०२३ रोजी दुपारी १२.३९ वाजल्यापासून सुरू होत आहे. तर, दुसऱ्या दिवशी १९ सप्टेंबर २०२३ रोजी दुपारी ०१ वाजून ४३ मिनिटांनी संपणार आहे. दरम्यान, १९ सप्टेंबर २०२३ सकाळी ११.०७ मिनिटांनी ते दुपारी ०१ वाजून ३४ मिनिटापर्यंत श्रीगणेशाच्या स्थापनेचा शुभ मुहूर्त आहे.