dasara 2023 : यावर्षी दसरा कधी? विजयादशमीचा शुभ मुहूर्त, तारीख आणि महत्त्व घ्या जाणून

या वर्षी दसरा कधी आहे?

या वर्षी आश्विन महिन्यातील शुक्ल पक्षातील दशमी तिथी २३ ऑक्टोबर रोजी सायंकाळी ५.४४ वाजता सुरू होत आहे. २४ ऑक्टोबर रोजी दुपारी ०३.१४ वाजता संपेल. २४ ऑक्टोबर रोजी उदया तिथी येत आहे. त्यामुळे दसरा म्हणजेच विजयादशमी हा सण २४ ऑक्टोबर रोजी साजरा केला जाईल.

इतिहास

महिषासुर आणि त्याच्या सैन्याने हैराण केल्यामुळे देवीने या राक्षसाशी नऊ दिवस युद्ध केले आणि १० व्या दिवशी महिषासुराचा अंत केला. त्यामुळे नवरात्रीनंतर दसरा साजरा करण्याची परंपरा आहे; तर प्रभू श्रीरामांनी रावणावर विजय मिळवून त्याचा वध केला, तोही याच दिवशी. या अभूतपूर्व विजयामुळे या दिवसाला विजयादशमी, असे म्हटले जाते.

Durga Ashtami 2023 : दुर्गाष्टमी साजरी करताय?, मित्रमैत्रिणींना द्या अशा शुभेच्छा

मुहूर्त

दसऱ्याच्या दिवशी सूर्यास्तानंतर प्रदोष काळात रावणाच्या पुतळ्याचे दहन केले जाते. यंदा रावण दहन २४ ऑक्टोबर रोजी सायंकाळी ५.४३ वाजल्यापासून सुरु होणार आहे. विजयादशमीला शस्त्रपूजन केले जाते. या दिवशी विजय मुहूर्तावर शस्त्रपूजन केले जाईल.

विजय मुहूर्त: २४ ऑक्टोबर २०२३, दुपारी ०१.५८ ते ०२.४३ पर्यंत आहे.

अभिजीत मुहूर्त: २४ ऑक्टोबर २०२३, सकाळी ११.४३ ते दुपारी १२.२८ पर्यंत आहे.