Diwali 2024: ८१ वर्षांपूर्वी शताब्दी दिनदर्शिकेत १ नोव्हेंबरला दिवाळी साजरी करण्याचा उल्लेख

लक्ष्मी नारायण मंदिरात धर्मसभेचे आयोजन

दिवाळी पूजेची तारीख ठरविण्यासाठी गुरुवारी लक्ष्मी नारायण मंदिरात (बिर्ला मंदिर) धर्मसभेचे आयोजन करण्यात आले होते. दिवाळीपूजेची तारीख निश्चित करण्यासाठी आचार्य, ज्योतिषी आणि पुजाऱ्यांची बैठक झाली, अशी माहिती मंदिराचे प्रशासक विनोद मिश्रा यांनी दिली. १ नोव्हेंबरला दिवाळी पूजेबाबत एकमत झाले आहे. उत्तर भारतात तीज-सणाच्या तारखा पाच वेगवेगळ्या कॅलेंडरवरून ठरवल्या जातात.

१ नोव्हेंबरला दिवाळीचा उल्लेख : काशीचे एक कॅलेंडर वगळता इतर सर्व पंचांगांमध्ये १ नोव्हेंबर रोजी दिवाळीची तारीख नमूद केली आहे. त्यामुळे १ नोव्हेंबर ला मंदिरात दिवाळीची पूजा करण्यात येणार आहे.

अखिल भारतीय ज्योतिष परिषदेचे राष्ट्रीय सरचिटणीस आचार्य कृष्णदत्त शर्मा यांनी सांगितले की, १०० वर्षे जुने व्यंकटेश्वर पंचांग, ज्याला शताब्दी पंचांग म्हणतात. त्यात ८१ वर्षांपूर्वी १ नोव्हेंबरला दिवाळी साजरी केल्याचा उल्लेख आहे.

दिवाळीची पूजा फक्त रात्रीच का केली जाते, त्यामागे काय आहे कारण?, जाणून घ्या…

३१ ऑक्टोबरला साजरे होणार दिवाळीचे पर्व

कालकाजी मंदिराचे महंत सुरेंद्रनाथ अवधूत यांनी सांगितले की, दिवाळीचा सण ३१ ऑक्टोबर रोजी साजरा केला जाणार आहे. त्या दिवशी चतुर्दशी दुपारी ३ वाजून ५२ मिनिटांपर्यंत असेल. त्यानंतर अमावस्या सुरू होईल, जी ०१ नोव्हेंबर रोजी संध्याकाळी ०६ वाजून १६ मिनिटांपर्यंत चालेल.

सूर्याचे १६ नोव्हेंबरपर्यंत तूळ राशीत बस्तान; जाणून घ्या कोणते फळ मिळेल, शुभ की अशुभ?

छतरपूर मंदिराचे मुख्य कार्यकारी अधिकारी डॉ. किशोर चावला यांनी सांगितले की, सध्या ०१ नोव्हेंबरला दिवाळी साजरी करण्याचा निर्णय घेण्यात आला आहे. उत्तर भारताशी निगडित पंचांगांमध्ये १ नोव्हेंबर रोजी दिवाळी पूजनाचा तपशील देण्यात आला असला तरी पूजेच्या तिथीबाबत वेगवेगळी मते समोर येत आहेत.

Disclaimer: या लेखात दिलेली माहिती पूर्णपणे खरी आणि अचूक असल्याचा आमचा दावा नाही. त्यांचा अवलंब करण्यापूर्वी संबंधित क्षेत्रातील तज्ज्ञांचा सल्ला घ्यावा.