Diwali : ३१ ऑक्टोबर की १ नोव्हेंबर दिवाळी कधी आहे? वसुबारस ते भाऊबीजेपर्यंत जाणून घ्या तारीख

दिवाळी/दीपावली २०२४- 

दिवाळी दरवर्षी आश्विन महिन्याच्या अमावस्येला साजरी केली जाते. या वर्षी अमावस्या ३१ ऑक्टोबर रोजी दुपारी ३ वाजून १२ मिनिटापासून सुरू होत आहे, जी १ नोव्हेंबर रोजी संध्याकाळी ५ वाजून ५३ मिनिटापर्यंत चालेल. उदया तिथी प्रत्येक व्रत किंवा सणात पाळली जाते परंतु प्रदोष काळ हा दिवाळीच्या सणात महत्वाचा मानला जातो. दिवाळीच्या दिवशी सूर्यास्तानंतर दिवे लावण्याची परंपरा आहे. १ नोव्हेंबरला अमावस्या तिथी संध्याकाळीच संपेल, त्यामुळे प्रदोष काळ प्राप्त होणार नाही. या कारणास्तव, ३१ ऑक्टोबर रोजीच दिवाळीचा सण साजरा करणे चांगले होईल.

दिवाळी पूजन शुभ मुहूर्त - 

प्रदोष काळ आणि वृषभ काळ हे दोन शुभ काळ दिवाळीत पूजेसाठी महत्वाचे आहेत. ज्योतिष शास्त्रानुसार प्रदोष आणि वृषभ काळात दिवाळी पूजा किंवा लक्ष्मी पूजा करणे खूप शुभ मानले जाते. प्रदोष काळ संध्याकाळी ५ वाजून ३६ मिनिटे ते ८ वाजून ११ मिनिटापर्यंत राहील. वृषभ काळ संध्याकाळी ६ वाजून २० मिनिटे ते ८ वाजून १५ मिनिटापर्यंत राहील. या काळातच लक्ष्मीची पूजा करता येते.

लक्ष्मीपूजनासाठी शुभ मुहूर्त- 

दिवाळीत लक्ष्मीपूजनासाठी आणखी एक शुभ मुहूर्त उपलब्ध आहे. लक्ष्मीपूजनाचा शुभ मुहूर्त संध्याकाळी ५:३६ ते ६:१५ पर्यंत असेल. लक्ष्मीपूजनाचा एकूण कालावधी ४१ मिनिटे आहे.

Kartik Snanarambh : कार्तिक स्नानारंभ; जाणून घ्या स्नान-दान आणि दीपदानाचे धार्मिक महत्व

वसुबारस ते भाऊबीजेपर्यंत 'या' आहेत तारखा

वसुबारस, गोवत्स द्वादशी - २८ ऑक्टोबर २०२४

धनत्रयोदशी - २९ ऑक्टोबर २०२४

काली चौदस - ३० ऑक्टोबर २०२४

नरक चतुर्दशी - ३१ ऑक्टोबर २०२४

लक्ष्मी पूजन - १ नोव्हेंबर २०२४

बालिप्रतिपदा, दिवाळी पाडवा - २ नोव्हेंबर २०२४

भाऊबीज - ३ नोव्हेंबर २०२४