Dhanatrayodashi 2024: धनत्रयोदशीच्या दिवशी धन्वंतरी देवाची पूजा का केली जाते? जाणून घ्या

धनत्रयोदशीचा अचूक तिथी : द्रिक पंचांगानुसार, कार्तिक महिन्यातील कृष्ण पक्षाची त्रयोदशी तिथी २९ ऑक्टोबर २०२४ रोजी सकाळी १० वाजून ३१ मिनिटांनी सुरू होईल आणि दुसऱ्या दिवशी ३० ऑक्टोबर रोजी दुपारी ०१ वाजून १५ मिनिटांनी संपेल. त्यामुळे उदयतिथीनुसार २९ ऑक्टोबरला धनत्रयोदशी साजरी केली जाणार आहे.

धनत्रयोदशीला या वस्तू चुकूनही खरेदी करू नका? पाहा, संपूर्ण यादी

धन्वंतरी देवाची पूजा का केली जाते?

धार्मिक मान्यतेनुसार, धनत्रयोदशीच्या दिवशी विष्णूचा अंश अवतार आणि देवांचे वैद्य भगवान धन्वंतरी यांचा प्रकटीकरण उत्सव साजरा केला जातो. धन्वंतरी देव हे आरोग्य प्रदान करणारे दैवत मानले जाते. त्यांची पूजा केल्याने रोग आणि दोष दूर होतात आणि आरोग्याचा आशीर्वाद मिळतो, असे मानले जाते. पौराणिक कथांनुसार, कार्तिक महिन्याच्या कृष्ण पक्षाच्या त्रयोदशीला समुद्र मंथनादरम्यान धन्वंतरी देव अमृतकलशासह प्रकट झाले होते. त्यामुळे धनत्रयोदशीच्या दिवशी धन्वंतरी देवाची पूजा करणे अत्यंत शुभ मानले जाते. धनत्रयोदशीच्या दिवशी खरेदी केलेल्या वस्तूंमध्ये तेरा पटीने वाढ होते, असे म्हटले जाते. त्यामुळे धनत्रयोदशीच्या दिवशी सोने, चांदी, पितळ किंवा तांब्याची भांडी खरेदी केली जातात. असे मानले जाते की यामुळे अन्न आणि संपत्तीचा साठा नेहमी भरलेला राहतो.

धन्वंतरी

> धन्वंतरी हा भगवान विष्णूचा १२वा अवतार मानला जातो.

> पौराणिक कथेनुसार, समुद्रमंथनानंतर धन्वंतरी हे चौदावे रत्न म्हणून प्रकट झाले.

> धन्वंतरी हा आयुर्वेदाच्या उत्पत्तीचा अविभाज्य भाग मानला जातो.

> धन्वंतरी हा आयुर्वेदाचा प्रवर्तक मानला जातो.

> धन्वंतरी हा सर्व भय आणि सर्व रोगांचा नाश करणारा मानला जातो.

> धन्वंतरी अमृत पात्र घेऊन जाताना दाखवला जातो.

Disclaimer: या लेखात दिलेली माहिती पूर्णपणे खरी आणि अचूक असल्याचा आमचा दावा नाही. त्यांचा अवलंब करण्यापूर्वी संबंधित विषयातील तज्ज्ञांचा सल्ला घ्यावा.