Dev Uthani Ekadashi: तुमचा विवाह जुळत नाही का? देव उठणी एकादशीला जरूर करा हे उपाय!
Dev Prabodhini Ekadashi: यावर्षी कार्तिक महिन्यात येणारी शुक्ल पक्षातील एकादशी सोमवार, दिनांक ११ नोव्हेंबर रोजी संध्याकाळी ०६:४६ वाजता सुरू होत आहे, जी दुसऱ्या दिवशी १२ नोव्हेंबर रोजी दुपारी ०४:०४ वाजता समाप्त होईल.
Dev Prabodhini Ekadashi: देव प्रबोधिनी एकादशी किंवा देवउठणी एकादशीच्या दिवशी देव योगनिद्रातून जागे होतात आणि मग सर्व शुभ कार्ये सुरू होतात. हिंदू धर्मात याला देवोत्थान एकादशी असेही म्हणतात. कार्तिक महिन्याच्या शुक्ल पक्षात येणारी देवउठणी एकादशी देवी लक्ष्मी आणि श्री हरी विष्णूला प्रसन्न करण्यासाठी सर्वोत्तम दिवस मानली जाते. त्याच्या प्रभावामुळे मोठमोठी पापेही क्षणात नष्ट होतात, अशी मान्यता आहे.
देवउठणी किंवा देव प्रबोधिनी एकादशीच्या दिवशी व्रत आणि काही उपाय केल्याने अनेक फायदे होत असतात. त्यातीलच एक म्हणजे ज्यांचा विवाह जुवळवण्यात अडथळे येतात, अशांचा विवाह लवकर जुळून येतो अशी मान्यता आहे. पाहू या, काय आहेत त्यासाठी करावयाचे उपाय…
लवकर लग्न जुळावे यासाठी हे उपाय करा!
> कोणत्याही मुला-मुलीला वैवाहिक जीवनात अडचणी येत असतील तर देवउठणी एकादशीच्या दिवशी काही उपाय करून ते अडथळे दूर करू शकतात.
> यासाठी भगवान विष्णूची पूजा करताना केशर, पिवळे चंदन किंवा हळदीचा टिळक वापरावा. नंतर पिवळी फुले अर्पण करावीत. त्यामुळे लवकर विवाह होण्याची शक्यता निर्माण होते.
> तुम्हाला तुमची इच्छा पूर्ण करायची असेल तर देवूठाणी एकादशीच्या दिवशी पिंपळाच्या झाडाला जल दान करा. पीपळाच्या झाडामध्ये भगवान विष्णू वास करतात असे मानले जाते. जल अर्पण केल्याने तुमच्या सर्व मनोकामना पूर्ण होतील.
> या दिवशी तुळशी विवाह करणे शुभ मानले जाते. असे केल्याने वैवाहिक जीवनातील अडथळे दूर होतात आणि विवाह लवकर शक्य होतो.
> उसाच्या रसात कच्चे दूध मिसळून तुळशीला अर्पण करावे.
> तुळशीच्या रोपासमोर पाच देशी तुपाचे दिवे लावून आरती करावी.
देवउठणी एकादशीच्या तिथीला करावयाचे इतर उपाय...
> एकादशीच्या दिवशी प्रथम भगवान विष्णूंना गाईच्या दुधाने शंख भरून स्नान करावे आणि नंतर गंगाजलाने स्नान करावे. असे केल्याने व्यक्तीची आर्थिक समस्या दूर होते.
> भगवान विष्णूची पूजा करताना ओम नमो भगवते वासुदेवाय नमः या मंत्राचा जप करा. यामुळे आयुष्यात येणाऱ्या अडचणी दूर होतात.
> भगवान विष्णूच्या पूजेमध्ये शुद्ध तुपाचा दिवा अवश्य लावा आणि त्यात तुळशीची डाळ अर्पण करा.
देवउठणी एकादशी व्रताचे नियम
> या दिवशी निर्जल उपवास केला जातो.
> या व्रतामध्ये भगवान विष्णू किंवा आपल्या आवडत्या देवतांची पूजा केली जाते.
> या दिवशी तामसिक अन्न, कांदा, लसूण, मांस, मद्य किंवा शिळे अन्न सेवन करू नये.
> एकादशीचे व्रत केले नाही तरी ब्रह्मचर्य पाळावे.
> एकादशीच्या दिवशी चुकूनही भाताचे सेवन करू नये.
Disclaimer: या लेखात दिलेली माहिती पूर्णपणे खरी आणि अचूक असल्याचा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा.
