मराठी बातम्या  /  धर्म  /  Pradosh : आज बुध प्रदोष व्रत; भगवान शंकराच्या पूजेसाठी सायंकाळी २ तासाचा शुभ मुहूर्त, करा हा मंत्र जप आणि उपाय

Pradosh : आज बुध प्रदोष व्रत; भगवान शंकराच्या पूजेसाठी सायंकाळी २ तासाचा शुभ मुहूर्त, करा हा मंत्र जप आणि उपाय

Jun 19, 2024 10:09 AM IST

Budh Pradosh Vrat June 2024 Mantra And Upay : बुधवार १९ जून रोजी बुध प्रदोष व्रत केले जाणार आहे. प्रदोष काळात बुध प्रदोष व्रत आणि शिव परिवाराची उपासना केल्याने जीवनातील दु:ख, वेदना दूर होतात, असा समज आहे.

बुध प्रदोष व्रत २०२४
बुध प्रदोष व्रत २०२४

Budh Pradosh Vrat June 2024 : या महिन्यातील शेवटचा प्रदोष व्रत १९ जून, बुधवारी पाळण्यात येत आहे. बुधवारी पडल्यामुळे या प्रदोष व्रताला बुध प्रदोष व्रत म्हटले जाईल. ज्येष्ठ महिन्यातील शुक्ल पक्षातील त्रयोदशी तिथीला येणारे प्रदोष व्रत हे भगवान शिवाला समर्पित आहे. असे मानले जाते की बुध प्रदोष व्रत आणि प्रदोष काळात शिव परिवाराची पूजा केल्याने व्यक्तीच्या मनोकामना पूर्ण होतात. जाणून घेऊया बुध प्रदोष व्रताचा सायंकाळचा शुभ मुहूर्त, पूजा पद्धत, शिवमंत्र, उपाय आणि आरती-

बुध प्रदोष शुभ मुहूर्त 

त्रयोदशी तिथी प्रारंभ - १९ जून २०२४ सकाळी ७:२८ वाजता

त्रयोदशी तिथी समाप्ती - २० जून २०२४ सकाळी ७:४९ वाजता

ट्रेंडिंग न्यूज

प्रदोष वेळ - संध्याकाळी ७ वाजून २२ मिनिटे ते रात्री ९ वाजून २२ मिनिटे

प्रदोष पूजा मुहूर्त - संध्याकाळी ७ वाजून २२ मिनिटे ते रात्री ९ वाजून २२ मिनिटे

कालावधी - २ तास ०० मिनिटे

मंत्र- ॐ नमः शिवाय, श्री शिवाय नमस्तुभ्यं 

बुध प्रदोष पूजा-विधि

आंघोळ केल्यानंतर स्वच्छ कपडे घाला. शिव परिवारासह सर्व देवी-देवतांची विधिवत पूजा करावी. उपवास ठेवायचा असेल तर हातात पवित्र पाणी, फुले आणि अक्षत घेऊन व्रताचा संकल्प घ्या. त्यानंतर संध्याकाळी घरातील मंदिरात दिवा लावावा. त्यानंतर शिवमंदिरात किंवा घरी शिवाचा अभिषेक करून शिव परिवाराची विधीवत पूजा करावी. आता बुध प्रदोष व्रताची कथा ऐका. त्यानंतर तुपाच्या दिव्याने पूर्ण भक्तिभावाने शंकराची आरती करावी. शेवटी ॐ नमः शिवाय या मंत्राचा जप करावा. शेवटी क्षमा प्रार्थनाही करा.

बुध प्रदोष उपाय

भगवान शिवाचा अपार आशीर्वाद मिळवण्यासाठी पूजेदरम्यान शिवलिंगाला या गोष्टी अर्पण करा-

१. तूप

२. दही

३. फूल

४. फळ

५. अक्षत

६. बेलपत्र

७. धोतरा

८. भांग

९. मध

१०. गंगाजल

११. पांढरे चंदन

१२. काळे तीळ

१३. कच्चे दूध

१४. हिरवी मूग डाळ

१५. शमीचे पान

भगवान शंकराची आरती

लवथवती विक्राळा ब्रह्मांडी माळा ।

वीषें कंठ काळा त्रिनेत्रीं ज्वाळा ॥

लावण्यसुंदर मस्तकीं बाळा ।

तेथुनियां जल निर्मळ वाहे झुळझूळां ॥ १ ॥

जय देव जय देव जय श्रीशंकरा ।

आरती ओवाळूं तुज कर्पूरगौरा ॥ ध्रु० ॥

कर्पूरगौरा भोळा नयनीं विशाळा ।

अर्धांगीं पार्वती सुमनांच्या माळा ॥

विभुतीचें उधळण शितिकंठ नीळा ।

ऐसा शंकर शोभे उमावेल्हाळा ॥ जय देव० ॥ २ ॥

देवीं दैत्य सागरमंथन पै केलें ।

त्यामाजीं जें अवचित हळाहळ उठिलें ॥

तें त्वां असुरपणें प्राशन केलें ।

नीळकंठ नाम प्रसिद्ध झालें ॥ जय देव० ॥ ३ ॥

व्याघ्रांबर फणिवरधर सुंदर मदनारी ।

पंचानन मनमोहन मुनिजनसुखकारी ॥

शतकोटीचें बीज वाचे उच्चारी ।

रघुकुळटिळक रामदासा अंतरीं ॥ जय देव जय देव० ॥ ४ ॥

WhatsApp channel