रुद्राक्ष म्हणजे काय? त्याची उत्पत्ती कशी झाली? रुद्राक्ष घालण्याची योग्य वेळ आणि नियम काय?

Ratha Saptami : रथ सप्तमी कधी साजरी होणार? पूजा कशी करणार? सूर्यदेवाच्या या मंत्रांचा जप करा

रुद्राक्षाला भगवाना शंकराचे वरदान मानले जाते. चला तर मग जाणून घेऊया रुद्राक्षाशी संबंधित काही रहस्यमय गोष्टी.

रुद्राक्षाची उत्पत्ती कशी झाली?

रुद्राक्षाच्या संदर्भात अनेक कथा प्रचलित आहेत. पौराणिक कथेनुसार, त्रिपुरासुर नावाचा एक राक्षस होता, ज्याच्याकडे दैवी शक्तीची विविध रूपे होती.यामुळे तो अत्यंत अहंकारी झाला आणि देव आणि ऋषींना त्रास देऊ लागला. त्याला कंटाळून देवांनी त्याला मारण्यासाठी भगवान शिवाकडे प्रार्थना केली.

Masik shivratri : वैवाहिक जीवन सुखी ठेवण्यासाठी करा मासिक शिवरात्रीचे व्रत; जाणून घ्या तिथी व मंत्र

देवांची पीडा-वेदना ऐकून भगवान शिव ध्यानात गेले. यानंतर जेव्हा त्यांनी डोळे उघडले तेव्हा त्यांच्या डोळ्यातून अश्रू आले. पृथ्वीवर जिथे जिथे त्यांचे अश्रू पडले तिथे तिथे रुद्राक्षाची झाडे उगवली. तसेच त्रिपुरासुराचा वध करून भगवान शंकराने संपूर्ण जगात पुन्हा शांतता प्रस्थापित केली.

रुद्राक्ष किती मुखी असतात?

रुद्राक्ष हे रुद्राक्षाच्या झाडावर उगवणारे नैसर्गिकरित्या मिळणारे सुके फळ आहे. जपमाळेत साधारणपणे १०८ रुद्राक्ष असतात. हे वेगवेगळ्या स्वरूपात आढळू शकतात, म्हणजे १ मुखी ते २७ मुखीपर्यंत. जे भक्त रुद्राक्ष धारण करतात त्यांना ब्रह्मा, विष्णू आणि महेश यांचे आशीर्वाद प्राप्त होतो.

रुद्राक्ष धारण करण्याचे नियम आणि वेळ

धार्मिक मान्यतांनुसार रुद्राक्ष शुक्ल पक्षाच्या तिथीला धारण करावा, जसे की पौर्णिमा, अमावस्या, एकादशी इत्यादी. तसेच हा पवित्र धागा धारण करताना त्याची विशेष काळजी घ्यावी. भोलेनाथाचे ध्यान करताना आणि 'ओम नमः शिवाय' या मंत्राचा जप करत रुद्राक्ष धारण करावा.

(डिस्क्लेमर : या लेखात दिलेली माहिती पूर्णपणे सत्य आणि अचूक असेलच असं नाही. हिंदुस्तान टाइम्स मराठी तसा दावा करत नाही. अनुकरण करण्याआधी संबंधित क्षेत्रातील तज्ज्ञांचा सल्ला घ्यावा.)