Darsh Amavasya : ५ की ६ जुलै कधी आहे अमावस्या? जाणून घ्या स्नान-दानाचा खास मुहूर्त
Darsh Amavasya 2024 Snan-Dan Muhurat : प्रत्येक महिन्यात अमावस्या येते. ज्येष्ठ महिन्यात दर्श अमावस्या येईल. जाणून घ्या अमावस्या कधी आहे आणि जुलैमध्ये स्नान आणि दान करण्याचा शुभ मुहूर्त-
Amavasya 2024 Snan-Daan Muhurat : प्रत्येक महिन्यात अमावस्या येते. जून महिना संपून आता जुलै महिना सुरू झाला आहे. जुलै महिन्यातील अमावस्येला खास महत्व आहे. कारण ही अमावस्या झाल्यावर आषाढ महिना प्रारंभ होत आहे. या दिवशी पवित्र नदीत स्नान करणे, पितरांना नैवेद्य दाखवणे आणि दान करणे अत्यंत शुभ मानले जाते. हिंदू कॅलेंडरनुसार, अमावस्या कृष्ण पक्षाच्या शेवटी येते आणि पौर्णिमा प्रत्येक महिन्याच्या शुक्ल पक्षाच्या शेवटी येते. हिंदू पंचांगानुसार एका वर्षात एकूण बारा अमावस्या नमूद आहेत. जाणून घ्या हिंदू कॅलेंडरच्या चौथ्या जुलै महिन्यातील अमावस्या कधी आहे आणि स्नान आणि दान करण्यासाठी कोणता शुभ काळ आहे -
दर्श अमावस्या २०२४ तारीख:
यावर्षी दर्श अमावस्या शुक्रवार, ५ जुलै रोजी आहे. अमावस्येच्या दिवशी शुभ कार्य करण्यास मनाई आहे असे मानले जाते. ज्येष्ठ कृष्ण अमावस्या तिथी ५ जुलै रोजी पहाटे ४ वाजून ५७ मिनिटापासून सुरू होईल आणि ६ जुलै रोजी पहाटे ४ वाजून २६ मिनिटापर्यंत चालेल.
अमावस्येच्या दिवशी स्नान आणि दानासाठी शुभ मुहूर्त :
आषाढ अमावस्येच्या दिवशी पवित्र नदीत स्नान केल्याने पुण्य प्राप्त होते. असे मानले जाते की, स्नान केल्यानंतर दान करावे. धार्मिक मान्यतेनुसार ब्रह्म मुहूर्तावर म्हणजेच सूर्योदयापूर्वी स्नान करणे खूप शुभ मानले जाते. या दिवशी ब्रह्म मुहूर्त पहाटे ४ वाजून ८ मिनिटापासून सुरू होईल आणि ५ वाजून २९ मिनिटापर्यंत चालेल.
दानासाठी शुभ मुहूर्त -
आषाढ अमावस्येच्या दिवशी दानाचा शुभ मुहूर्त ७ वाजून १३ मिनिटे ते ८ वाजून ५७ मिनिटापर्यंत असेल. यानंतर, सकाळी ८ वाजून ५७ मिनिटे ते १० वाजून ४१ मिनिटापर्यंत दान करणे शुभ मानले जात आहे. अभिजीत मुहूर्त सकाळी ११ वाजून ५८ मिनिटे ते दुपारी १२ वाजून ५४ मिनिटापर्यंत असेल. या मुहूर्तात दान करणे अत्यंत शुभ मानले जाते.
आषाढ अमावस्येच्या दिवशी काय करावे :
अमावस्येच्या दिवशी सकाळी लवकर उठून स्नान करावे. त्यानंतर सूर्यदेवाला अर्घ्य अर्पण करावे. या दिवशी सकाळी पिंपळाच्या झाडाला जल अर्पण करावे. पितरांना नैवेद्य दाखवावा. गरजूंना अन्न, कपडे आणि इतर आवश्यक वस्तू दान करा. संध्याकाळी पिंपळाच्या झाडावर दिवा लावावा. शनिदेवाला प्रसन्न करण्यासाठी या दिवशी शनिदेवाचे दर्शन घेणे उत्तम मानले जाते.
संबंधित बातम्या