Ajmer Khwaja Garib Nawaz: अजमेरच्या ख्वाजा गरीब नवाज दर्ग्यावर चादर का चढवतात? काय आहे कारण?

दर्ग्यावर चढवली जाते चादर

अजमेरच्या ख्वाजा गरीब नवाज दर्गा शरीफ येथे केवळ देशातीलच नाही, तर परदेशातून देखील लोक येत असतात. येथे आल्यानंतर दर्ग्यावर मोठ्या श्रद्धेने चादर चढवली जाते. हे कार्य अत्यंत पवित्र मानले जाते.

पंतप्रधान नरेंद्र मोदी यांनी पाठवली चादर

पंतप्रधान नरेंद्र मोदी यांनी ख्वाजा मोईनुद्दीन हसन चिश्ती (Khwaja Moin-ud-din Chishty) यांच्या ८१३ व्या उर्सच्या निमित्ताने त्यांच्या अजमेर येथील दर्गा शरीफसाठी चादर पाठवली आहे.

अजमेर शरीफ येथील हा दर्ग्यात सुप्रसिद्ध सुफी संत ख्वाजा मोइनुद्दीन चिश्ती यांची समाधी आहे. असे नाही की फक्त उर्स भरलेला असतानाच इथे चादर चढवली जाते, तर सुफी संत चिश्ती यांच्या समाधीवर दररोज मोठ्या श्रद्धेने चादर चढवली जाते.

हेही वाचा- मकर संक्रांतीच्या दिवशी करा ही शुभ कामे, मिळतील मोठे लाभ

का चढवली जाते चादर?

सुफी संत ख्वाजा गरीब नवाज यांच्या समाधीवर का चढवली जाते चादर, असा प्रश्न अनेकांना पडतो. चादर चढवण्याची ही पद्धत ८०० वर्षे जुनी आहे. सुरुवातीच्या काळात हा दर्गा शरीफ कच्च्या स्वरुपात होता. तर सुफी संत ख्वाजा गरीब नवाज यांची समाधी उघडीच होती. अशा वेळी समाधीवर धूळ किंवा घाण पडू नये यासाठी कपड्याची चादर चढवून समाझी झाकली जात असे. कालांतराने दर्गा आणि समाधी पक्की बनवली गेली. मात्र धूळ आणि घाण बसू नये यासाठी सुरू केलेली चादर चढवण्याची पद्धत नंतर परंपरा बनली.

हेही वाचा- नव्या वर्षाला शिर्डीच्या साई मंदिराला मिळाले १६.६१ कोटींचे दान, अनेक किलो सोनेही अर्पण

कोण होते ख्वाजा मोईनुद्दीन चिश्ती?

ख्वाजा मोईनुद्दीन हसन चिश्ती हे एक सुप्रसिद्ध सुफी संत आहेत. त्यांचा जन्म इराणमधील सजिस्तान शहरात झाला होता. ते ११९२ मध्ये भारतात आले. ख्वाजा मोईनुद्दीन चिश्ती एक सुन्नी मुस्लिम तत्वज्ञानी, विद्वान आणि संत होते. त्यांना सुलतान-ए-हिंद आणि गरीब नवाज या नावांनी ओळखले जाते. अजमेर येथील त्यांचा दर्गा शरीफ इंडो-इस्लामिक व वास्तुकलेचा अद्भुत नमुना मानला जातो.

Disclaimer: या लेखात दिलेली माहिती पूर्णपणे खरी आणि अचूक असल्याचा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा.