Fruits in Winter: हिवाळ्यात स्लिम आणि फिट ठेवतील ही फळं, या वेळी खाणे आहे फायदेशीर

हिवाळ्यात वजन वाढण्यास सुरुवात होते. खराब आहार आणि कमी शारीरिक हालचाली हे त्याचे कारण आहे. पण ही काही फळे खाल्ल्याने वजन कमी होण्यास मदत होतेच शिवाय रोगप्रतिकार शक्तीही मजबूत होते. ही फळे योग्य वेळी खाणे महत्त्वाचे आहे. आयुर्वेदानुसार दुपारी ४ वाजण्यापूर्वी फळे खाणे आरोग्यासाठी चांगले असते.

किवी - सर्वात जास्त पोषण असलेल्या फळांमध्ये किवीची गणना केली जाते. व्हिटॅमिन सी सोबतच ते व्हिटॅमिन के आणि फायबरसारखे आवश्यक पोषक प्रदान करतात. त्यामुळे वजन कमी करण्यासोबतच किवी रोगप्रतिकार शक्तीही वाढवते.

बेरिज - हिवाळ्यात स्ट्रॉबेरी आणि ब्लू बेरी सारखी फळेही उपलब्ध असतात. तुम्हाला हवे असे तर ड्राय खरेदी करून फळांसह खाऊ शकता. फायटोकेमिकल रिच फूड वजन कमी करण्यास मदत करते तसेच शरीराला रोगांशी लढण्यास मदत करते. हे फळे सॅलड, स्मूदीमध्ये मिसळून सहज खाता येते.

ग्रेपफ्रूट - कमी कॅलरी आणि जास्त फायबरमुळे ग्रेपफ्रूटचा रस प्यायल्याने वजन झपाट्याने कमी होण्यास मदत होते. त्यामुळे जर तुम्हाला हिवाळ्यात वजन वाढवायचे नसेल तर तुमच्या आहारात ग्रेपफ्रूटच्या रसाचा समावेश करा.

संत्री - हिवाळ्यात संत्री आणि किन्नू मुबलक प्रमाणात उपलब्ध असतात. या फळांमुळे रोगप्रतिकार शक्ती तर वाढतेच पण ते खाल्ल्याने वजन कमी होण्यासही मदत होते. कॅलरी कमी असण्यासोबतच त्यात पोटॅशियम आणि फायबरही जास्त असते. नाश्ता आणि दुपारच्या जेवणापूर्वी ही फळे खाणे आरोग्यासाठी फायदेशीर आहे.

सफरचंद - सफरचंद एक असे फळ आहे जे निरोगी राहण्यासाठी प्रत्येक ऋतूमध्ये खाऊ शकतो. जर तुम्ही वजन कमी करण्याबाबत सिरीयस असाल तर तुमच्या आहारात सफरचंदाचा समावेश करणे सर्वात महत्वाचे आहे. त्यातील सर्व पोषक तत्व शरीराला निरोगी ठेवतात.