Photos : Yamahaची साडे सात लाख रुपये किमतीची नवीन बाइक; फोटो पाहून थक्क व्हाल

Haaris Rahim Shaikh

Sep 25, 2023 06:30 PM IST

Yamaha ची MT-07 सिरिजची बाइक लवकरच भारतात पदार्पण करणार आहे. तब्बल साडे सात लाख रुपये किमतीची ही बाइक नुकतेच दिल्लीत पार पडलेल्या एका प्रदर्शनात दर्शन घडले.

(1 / 7)

दिल्लीजवळ नोएडा येथे नुकत्याच पार पडलेल्या MotoGP Bharat 2023 या प्रदर्शनात Yamaha कंपनीची येऊ घातलेली नवीन सुपर बाइकचे दर्शन घडले. या बाइकचे वैशिष्ट्य पाहून तमाम बाइकप्रेमी विस्मयचकित झाले होते. ही बाइक सध्या भारतात लॉंच झालेली नाही. परंतु तरुण वर्गात वाढती मागणी पाहता Yamaha MT-07 चे भारतीय बाजारात लवकरच पदार्पण केले जाण्याची शक्यता आहे.

(2 / 7)

या बाइकमध्ये असलेल्या अनेक वैशिष्ट्यांपैकी एक म्हणजे Yamaha च्या सिग्नेचर MT सीरीज स्टाइलसोबत येणारा, आक्रमक दिसणारा समोरील भाग. या बाइकमधील सर्व लाइट्स हे LCD लाइट्स असून चकचकीत असे साइड पॅनल आहे. या बाइकमध्ये टेलिस्कोपिक फ्रंट फॉर्क्स आणि मागील भागात स्विंग आर्म सस्पेंशन बसवण्यात आले आहे. पुढील चाकांना २९८ mmचे तर मागील चाकांना २४५ mm चे डिस्क ब्रेक बसवण्यात आले आहे.

(3 / 7)

LED लाइट्समुळे Yamaha MT-07 या बाइकला एकप्रकारचा बोल्ड लूक प्राप्त होतो. बाइकमध्ये एअर इनटेकसाठी दोन पंखस्वरुप इनलेट देण्यात आलेले आहेत. बाइकच्या सीटची उंची सहज कमी जास्त करता येते. परिणामी या नव्या बाइकच्या सीटवर बसणे म्हणजे रायडरला आरामदायक अनुभव राहणार आहे.

(4 / 7)

Yamaha च्या या नवीन बाइकमध्ये असलेल्या १५ mm रुंदीच्या हँडबारमुळे दुचाकीचा रुबाब आणखी उठून दिसतो. बाइकमध्ये असलेल्या उच्च तीव्रतेच्या एलइडी टर्न सिग्नल लाइट्समुळे एकदम मॉडर्न आणि कॉम्पॅक्ट लूक प्राप्त होतो.

(5 / 7)

रस्त्यावर मजबूत पकड ठेवणारे मिशेलिन रोड 5 हे टायर Yamaha MT-07 मध्ये असल्याने एक स्पोर्टी लूक मिळते. यामुळे बाइकला एकप्रकारचा स्पोर्टी लूक मिळतो. शिवाय खराब रस्ते आणि पावसातून बाइक चालवताना घसरण्याची भीती नसते.

(6 / 7)

Yamaha MT-07 बाइकमध्ये अनेक फिचर्सपैकी एक आकर्षक फिचर म्हणजे बाइकच्या हँडलवर मधोमध असलेला ५ इंच आकाराचा TFT इन्स्टुमेंट क्लस्टर. यात हलते स्क्रीन बसवण्यात आले असून MyRide या अॅपच्या माध्यमातून तुमचा स्मार्टफोन कनेक्ट करता येणार आहे. शिवाय प्रत्येकाच्या गरजेनुसार या स्क्रीनची थीम बदलून कधी स्ट्रीट तर कधी टुरिंग थीम करता येणार आहे. या मॉनिटर स्क्रीनवर तुम्हाला येणारे इनकमिंग कॉल, मॅसेजेस, नोटिफिकेशन्स हे सगळं पाहता येणार आहे.

(7 / 7)

Yamaha MT-07 चे आणखी एक वैशिष्ट्य म्हणजे यात असलेलं मजबूत इंजिन. या बाइकमध्ये दोन सिलेंडरचा समावेश असलेलं ६८९ cc च्या इंजिनचा समावेश आहे. या इंजिनमध्ये अधिकाधिक 72.39 bhp ऊर्जा आणि 67 Nm टॉर्क प्रकाश देण्याची क्षमता आहे.

इतर गॅलरीज