WTC गुणतालिकेत टीम इंडिया नंबर वन, ऑस्ट्रेलियासह बाकीच्या संघांची स्थिती काय? पाहा
WTC गुणतालिकेत टीम इंडिया नंबर वन, ऑस्ट्रेलियासह बाकीच्या संघांची स्थिती काय? पाहा
Jan 04, 2024 07:51 PM IST
- WTC Points Table: भारताने केपटाऊन कसोटीत दक्षिण आफ्रिकेचा ७ विकेट्सनी पराभव केला. या विजयासह टीम इंडियाने दोन सामन्यांची मालिका १-१ अशी बरोबरीत सोडवली. या विजयासह WTC गुणतालिकेत भारत नंबर वन वर आला आहे.
(1 / 6)
WTC Points Table: केपटाऊन कसोटीत भारतासमोर विजयासाठी ७९ धावांचे लक्ष्य होते, हे लक्ष्य भारताने सहज गाठले. याआधी सेंच्युरियन कसोटीत भारताला एक डाव आणि ३२ धावांनी पराभव स्वीकारावा लागला होता. केपटाऊनमध्ये भारतीय संघाचा हा पहिलाच कसोटी विजय ठरला. याआधी केपटाऊनमध्ये झालेल्या ६ कसोटी सामन्यांमध्ये भारताला ४ वेळा पराभवाला सामोरे जावे लागले होते, तर २ सामने अनिर्णित राहिले होते. (pti)
(2 / 6)
WTC Points Table: टीम इंडिया WTC गुणतालिकेत पहिल्या क्रमांकावर आली आहे. भारताने आतापर्यंत ४ कसोटी सामने खेळले आहेत. यापैकी २ जिंकले आणि १ हरला आहे, तर एक सामना अनिर्णित राहिला. भारत २६ गुणांसह अव्वल स्थानी आहे. भारताच्या विजयाची टक्केवारी ५४ टक्के आहे. भारताला आता इंग्लंडसोबत ५ कसोटी सामन्यांची मालिका खेळायची आहे.(PTI)
(3 / 6)
WTC Points Table: दक्षिण आफ्रिकेने वर्ल्ड टेस्ट चॅम्पियनशिप २०२३-२५ सायकलमध्ये आतापर्यंत २ सामने खेळले आहेत. हे दोन्ही सामने भारताविरुद्धच्या चालू मालिकेतील होते. एका सामन्यात त्यांनी विजय मिळवला, तर दुसऱ्या सामन्यात त्यांना पराभवाचा सामना करावा लागला. आफ्रिकेचे १२ गुण ते दुसऱ्या स्थानावर आहेत. त्यांच्या गुणांची टक्केवारी ५० टक्के आहे. (REUTERS)
(4 / 6)
WTC Points Table: न्यूझीलंडने कसोटी चॅम्पियनशिपच्या सध्याच्या सायकलमध्ये केवळ दोन सामने खेळले आहेत. बांगलादेशविरुद्ध मालिकेतील एका सामन्यात किवी संघाला पराभवाला सामोरे जावे लागले, तर दुसऱ्या सामन्यात विजय मिळवला. ५० टक्के गुणांसह न्यूझीलंड संघ गुणतालिकेत तिसऱ्या स्थानावर आहे. (AP)
(5 / 6)
WTC Points Table: ऑस्ट्रेलियनने कसोटी चॅम्पियनशिपच्या चालू सायकलमध्ये सर्वाधिक ७ सामने खेळले आहेत. त्यापैकी ४ मध्ये त्यांना विजय मिळाला आहे, तर दोनमध्ये पराभवाला सामोरे जावे लागले आहे. एक सामना अनिर्णित राहिला. ४२ गुण आणि ५० टक्क्यांसह ते कसोटी चॅम्पियनशिपच्या गुणतालिकेत चौथ्या स्थानावर आहेत. (AFP)
(6 / 6)
WTC Points Table: बांगलादेशची अवस्था न्यूझीलंडसारखीच आहे. या संघाने जागतिक कसोटी चॅम्पियनशिपच्या चालू सायकलमध्ये केवळ २ सामने खेळले आहेत. एक जिंकला आहे तर एक गमावला आहे. दोन सामन्यांतून १२ गुणांसह बांगलादेशच्या गुणांची टक्केवारी ५० आहे. (AFP)
(7 / 6)
WTC Points Table: पाकिस्तानने ४ सामने खेळले आहेत. त्यापैकी दोनमध्ये त्यांना विजय मिळाला आहे, तर दोनमध्ये पराभवाला सामोरे जावे लागले. मात्र, स्लो ओव्हर रेटमुळे या संघाला २ गुणांचा दंड ठोठावण्यात आला असून पाकिस्तानचे २२ गुण आहेत. ४५.८३ टक्के गुण मिळवून हा संघही अंतिम फेरीच्या शर्यतीत आहे. गुणतालिकेत अव्वल ६ संघांमधील गुणांच्या टक्केवारीतील फरक खूपच कमी आहे. त्यामुळे त्यात बदल होण्याची शक्यता आहे.
इतर गॅलरीज