WPL 2024: डब्ल्यूपीएलची ट्रॉफी जिंकल्यानंतर आरसीबीच्या खेळाडूंचं दमदार सेलिब्रेशन; पाहा फोटो

रॉयल चॅलेंजर्स बेंगळुरूसंघाने दिल्ली कॅपिटल्सचा ८ गडी राखून पराभव करत डब्ल्यूपीएल २०२४ च्या अंतिम सामन्यात आपले पहिले विजेतेपद पटकावले.

डब्लूपीएलची ट्रॉफी जिंकल्यानंतर आरसीबीच्या खेळाडूंचा आनंद गगनात मावेनसा झाला.

आरसीबीची ही पहिलीच ट्रॉफी आहे. आरसीबीने कधीही आयपीएलचे जेतेपद पटकावलेले नाही. मात्र, महिला संघाने पहिल्याच प्रयत्नात विजेतेपद पटकावत डब्ल्यूपीएलच्या अंतिम फेरीत प्रवेश केला.

ट्रॉफी जिंकल्यानंतर आरसीबीचे खेळाडूंनी ट्रॉफीसह फोटो काढला.

आरसीबीने  एलिमिनेटर सामन्यात गतविजेत्या मुंबई इंडियन्सचा पराभव करून फायनलमध्ये धडक दिली.

ट्रॉफीव्यतिरिक्त आरसीबीने ऑरेंज कॅप आणि पर्पल कॅपही जिंकली. श्रेयांका पाटील या स्पर्धेत सर्वाधिक विकेट्स घेणारी गोलंदाज आहे. तर एलिस पेरी या स्पर्धेत सर्वाधिक धावा करणारी खेळाडू आहे.

आरसीबीला १६ वर्षांपासून ट्रॉफी जिंकता आलेली नाही. आता महिला संघाने विजेतेपद पटकावले आहे. यामुळे चाहते खूश झाले आहेत.

दिल्लीतील मैदान आरसीबीच्या चाहत्यांनी खचाखच भरले होते आणि मैदानावर 'आरसीबी आरसीबी'च्या घोषणा जोरात ऐकू येत होत्या.

आरसीबीने संपूर्ण मालिकेत, विशेषत: मागील तीन सामन्यांमध्ये चांगली कामगिरी केली आहे.