WPL चा उद्घाटन सोहळा किंग खानने गाजवला, हे जबरदस्त फोटो पाहा
WPL चा उद्घाटन सोहळा किंग खानने गाजवला, हे जबरदस्त फोटो पाहा
Feb 23, 2024 11:18 PM IST
- WPL Opening ceremony : महिला प्रीमियर लीग २०२४ ला दणक्यात सुरुवात झाली. आज शुक्रवारी (२३ फेब्रुवारी) मुंबई इंडियन्स आणि दिल्ली कॅपिटल्स यांच्यात सीझनचा सलामीचा सामना खेळला गेला. या सामन्याआधी WPL 2024 चा शानदार उद्घाटन सोहळा पार पडला.
(1 / 9)
महिला प्रीमियर लीग २०२४ ला दणक्यात सुरुवात झाली. आज शुक्रवारी (२३ फेब्रुवारी) मुंबई इंडियन्स आणि दिल्ली कॅपिटल्स यांच्यात सीझनचा सलामीचा सामना खेळला गेला. या सामन्याआधी WPL 2024 चा शानदार उद्घाटन सोहळा पार पडला.(PTI)
(2 / 9)
WPL च्या उद्घाटन सोहळ्यात बॉलीवूड कलाकारांनी आपल्या परफॉर्मन्सनी आग लावली. या उद्घाटन सोहळ्यास टायगर श्रॉफपासून ते शाहरूख खानपर्यंत दिग्गज कलाकारांनी हजेरी लावली.
(3 / 9)
कार्तिक आर्यनने उद्घाटन समारंभात पहिले परफॉर्म केले. त्याने गुजरात जायंट्स संघाचे प्रतिनिधित्व केले. कार्तिकने सर्वात आधी 'भूलभुलैया 2' चित्रपटातील गाण्यावर डान्स केला. सोनू की टीटू की स्वीटी या चित्रपटातील 'दिल चोरी...' गाण्यावरही कार्तिक मनसोक्त नाचला.
(4 / 9)
कार्तिक आर्यननंतर सिद्धार्थ मल्होत्राने परफॉर्म केले. सिद्धार्थने दिल्ली कॅपिटल्सला पाठिंबा दिला. सिद्धार्थने त्याचा पहिला चित्रपट स्टुडंट ऑफ द इयरमधील 'मुंडा कुकुर कमल दा' या गाण्यावर परफॉर्म केले. त्यानंतर सिद्धार्थने शेरशाह या त्याच्या बहुचर्चित चित्रपटातील 'रातां लांबियां...' गाण्यावर डान्स केला. त्यानंतर त्याने 'काला चष्मा' गाण्यावरही परफॉर्म केले.
(5 / 9)
कार्तिक आणि सिद्धार्थनंतर टायगर श्रॉफने प्रेक्षकांची मने जिंकली. त्याने रॉयल चॅलेंजर्स बेंगळुरूचे (आरसीबी) प्रतिनिधित्व केले. हिरोपंती चित्रपटातील 'मेरे नाल तू विसल बाजा' या गाण्यावर टायगरने डान्स केला. यानंतर वॉर चित्रपटातील 'घुंघरू तूट गए' आणि 'जय-जय शिवशंकर' या गाण्यांवरही टायगर नाचला.(AFP)
(6 / 9)
वरुण धवनने यूपी वॉरियर्सला साथ दिली. 'भेडिया' चित्रपटातील 'तू मेरा कोई ना होके भी कुछ लगे' या गाण्यावरील डान्सने त्याने त्याच्या परफॉर्मन्सची सुरुवात केली. यानंतर त्याने 'मैं तेरा हीरो' चित्रपटातील 'तेरा ध्यान किधर है' गाण्यावर डान्स केला. त्यानंतर त्याच चित्रपटातील 'सारी रात बेशरमी...' या गाण्यावरही तो नाचला. त्यानंतर त्याने आपल्या प्रसिद्ध चित्रपट स्ट्रीट डान्सर 3 मधील 'मुकाबला' गाण्यावर परफॉर्म करून सर्वांची मने जिंकली.(PTI)
(7 / 9)
शाहिद कपूरने त्याच्या 'शानदार' चित्रपटातील 'शाम शानदार' गाण्यावर डान्स केला. यानंतर त्याने जब वी मेट चित्रपटातील 'नगाडा बाजा' या गाण्यावर परफॉर्म केले. (PTI)
(8 / 9)
शाहिची कबीर सिंग स्टाईल एन्ट्री जबरदस्त होती.(PTI)
(9 / 9)
शाहरुख खान सर्वात शेवटी परफॉर्म करण्यासाठी आला. पठाण चित्रपटातील झूम जो पठाण या प्रसिद्ध गाण्यावर त्याने प्रथम नृत्य केले. यानंतर त्याने जवान चित्रपटातील 'रमैया वस्तावैया' या गाण्यावर परफॉर्म केले. शाहरुखने सर्व संघांच्या कर्णधारांना मंचावर बोलावले आणि त्यानंतर कार्यक्रमाची सांगता केली.
(10 / 9)
यावेळी बॉलीवूडचा बादशाह शाहरुख खान त्याच्या उपस्थितीने महिला प्रीमियर लीगला मोहिनी घालताना दिसला. जेव्हा तो परफॉर्म करत होता तेव्हा सर्वांच्या नजरा फक्त किंग खानकडेच होत्या. त्याने चाहत्यांचे तसेच खेळाडूंचे भरपूर मनोरंजन केले. (PTI)
इतर गॅलरीज