Pradosh Vrat : इच्छित जोडीदार मिळवण्यासाठी प्रदोष व्रताला करा या गोष्टी, भगवान शंकर होईल प्रसन्न

त्रयोदशी तिथी भगवान शिवाला समर्पित आहे.  प्रत्येक महिन्याच्या कृष्ण पक्षातील त्रयोदशी तिथी आणि शुक्ल पक्षातील त्रयोदशी तिथीला प्रदोष व्रत पाळले जाते. वैशाख महिन्यातील पहिला प्रदोष व्रत ४ जून रोजी होणार आहे. हा दिवस मंगळवार असल्याने याला भौम प्रदोष व्रत म्हटले जाईल.

धार्मिक मान्यतेनुसार, त्रयोदशीला संध्याकाळी भगवान शिवाची पूजा केल्याने निरोगी आयुष्याचा आशीर्वाद मिळतो आणि शिवाचा आशीर्वादही टिकून राहतो. या दिवशी खऱ्या मनाने शिवाची आराधना केल्यास सर्व मनोकामना पूर्ण होतात. तसेच या व्रताच्या प्रभावाने अविवाहितांना इच्छित वराची प्राप्ती होते. सर्व प्रकारचे त्रासही दूर होतात. प्रदोष व्रतामध्ये भगवान शिवाची पूजा कशी करावी हे जाणून घेऊया.

प्रदोष उपवास २०२४ तारीख: 

पंचांगानुसार, वैशाख महिन्याच्या कृष्ण पक्षातील त्रयोदशी तिथी ४ जून रोजी दुपारी १२ वाजून १८ मिनिटांनी सुरू होईल आणि दुसऱ्या दिवशी म्हणजे ५ जून रोजी रात्री १० वाजून १ मिनिटांनी समाप्त होईल. अशा परिस्थितीत ४ जून रोजी प्रदोष व्रत साजरे केले जाणार आहे.

प्रदोष व्रत पूजा पद्धत : 

प्रदोष व्रताच्या दिवशी उठून स्नान करावे. स्वच्छ वस्त्र परिधान करून सूर्यदेवाला जल अर्पण करावे. भगवान शिव आणि माता पार्वतीची मनोभावे पूजा करावी.

शिवलिंगाला मध, तूप आणि गंगेच्या पाण्याने अभिषेक करावा. आता महादेवाला फुले, बेलपत्र आणि देवी पार्वतीला सौभाग्याच्या वस्तू अर्पण करा.

दिवा लावा आणि भगवान शिवाची प्रार्थना करा. तसेच शिव चालीसा वाचा. शिव मंत्राचा जप करणे देखील फायदेशीर आहे. शेवटी फळे, मिठाई आणि इतर गोष्टी अर्पण करा. पूजेच्या शेवटी तुमच्या भक्तीनुसार गरिबांना अन्न, पैसा आणि वस्त्रे दान करा.

टीप : ही माहिती केवळ श्रद्धा आणि विविध माध्यमांवर आधारित आहे.अनुकरण करण्याआधी संबंधित क्षेत्रातील तज्ज्ञांचा सल्ला घ्यावा.