Winter Tips: थंडीत उन्हाला बसल्याने आरोग्याला मिळतात अफाट फायदे, कोणती वेळ सर्वात चांगली?

उन्हात बसण्याचे फायदे-
हिवाळ्यात, बहुतेक लोक त्यांचा वेळ उन्हात घालवतात. कडाक्याच्या थंडीत उन्हात बसायला सर्वांनाच आवडते. यामुळे आरोग्यालाही खूप फायदा होतो. पण तुम्हाला माहित आहे का की कोणत्या वेळी आणि किती वेळ उन्हात बसणे योग्य आहे?

शरीर शेकले जाते-
उन्हात बसल्याने संपूर्ण शरीरात उष्णता निर्माण होते. उन्हात बसल्यावर शरीराला व्हिटॅमिन डी मिळते. याशिवाय रोगप्रतिकारक शक्तीही खूप मजबूत होते.

झोपेची गुणवत्ता सुधारते-
सूर्यप्रकाशामुळे तुमच्या झोपेची गुणवत्ता सुधारते आणि तुम्हाला मेलाटोनिन तयार करण्यात मदत होते. झोपेशी संबंधित समस्या असल्यास दिवसभरात काही वेळ उन्हात बसा.

उन्हात बसल्याने सुधारते मानसिक आरोग्य-
सूर्यप्रकाशातील सेरोटोनिन, मेलाटोनिन आणि डोपामाइन तुमच्या मानसिक आरोग्यासाठी उत्तम आहेत. हे चिंता आणि नैराश्याचा धोका कमी करतात.

हिवाळ्यात उन्हात किती वाजता बसायचे?
खरे तर सकाळी ८ ते ९ ही वेळ सूर्यस्नानासाठी उत्तम असते. पण हिवाळ्यात सूर्यप्रकाश उशिरा येतो आणि सकाळी प्रदूषण जास्त होते. अशा परिस्थितीत, या कालावधीतील सर्वोत्तम वेळ सकाळी 10 ते दुपारी 3 पर्यंत आहे.

सूर्यप्रकाशात किती वेळ बसावे?
फक्त सूर्यप्रकाशात काही वेळ घालवल्याने अनेक आरोग्य फायदे मिळतात. जास्तीत जास्त फायदे मिळविण्यासाठी, दररोज किमान 15-20 मिनिटे सूर्याची किरणे तुमच्या शरीरावर पडू द्या.

जास्त प्रकाशामुळेही समस्या निर्माण होतात-
उन्हात बसण्याचे अनेक फायदे आहेत. पण सूर्यप्रकाशात जास्त बसणे देखील हानिकारक ठरू शकते. त्यामुळे एका ठराविक वेळेसाठीच उन्हात बसने योग्य आहे.