वनडेत सर्वात वेगवान द्विशतक कोणाच्या नावावर? यादीत रोहित शर्मा नवव्या क्रमांकावर, पाहा
वनडेत सर्वात वेगवान द्विशतक कोणाच्या नावावर? यादीत रोहित शर्मा नवव्या क्रमांकावर, पाहा
Feb 10, 2024 06:01 PM IST
- fastest double century in odi : श्रीलंकेचा युवा स्टार पथुम निसांकाने इतिहास रचला. निसांकाने (९ फेब्रुवारी) पल्लेकेले येथे अफगाणिस्तानविरुद्ध नाबाद २१० धावा ठोकल्या. निसांकाने १३९ चेंडूत २० चौकार आणि ८ षटकार मारले. यासह तो सर्वात वेगवान द्विशतक करणाऱ्या टॉप ५ खेळाडूंच्या यादीत आला आहे.
(1 / 7)
पाथूम निसांका हा एकदिवसीय आंतरराष्ट्रीय क्रिकेटमध्ये द्विशतक झळकावणारा श्रीलंकेचा पहिला क्रिकेटपटू ठरला. त्याने अफगाणिस्तानविरुद्ध नाबाद २१० धावांची खेळी केली. निसांकाने १३९ चेंडूंच्या खेळीत २० चौकार आणि ८ षटकार मारले.
(2 / 7)
वनडेत सर्वात वेगवान द्विशतक करण्याचा विक्रम इशान किशनच्या नावावर आहे. इशानने २०२२ मध्ये बांगलादेशविरुद्ध १२४ चेंडूत द्विशतक पूर्ण केले होते. त्या खेळीत त्याने २४ चौकार आणि ९ षटकारांचा पाऊस पाडला. त्याने सामन्यात त्याने १३१ चेंडूत २१० धावा केल्या होत्या.
(3 / 7)
यानंतर ग्लेन मॅक्सवेल मॅक्सवेल या बाबतीत दुसऱ्या क्रमांकावर आहे. मॅक्सवेलने वनडे वर्ल्डकप २०२३ मध्ये अफगाणिस्तानविरुद्ध १२८ चेंडूत द्विशतक पूर्ण केले होते.
(4 / 7)
पाथूम निसांका आता या यादीत तिसऱ्या क्रमांकावर आला आहे. निसांकाने १३६ चेंडूत द्विशतक पूर्ण केले. त्याने सामन्यात १३९ चेंडूत २० चौकार आणि षटकारांसह २१० धावा केल्या.
(5 / 7)
'युनिव्हर्स बॉस' या नावाने प्रसिद्ध असलेल्या ख्रिस गेलने १३८ चेंडूत द्विशतक ठोकले होते. वेस्ट इंडिजच्या ख्रिस गेलने २०१५ मध्ये झिम्बाब्वेविरुद्ध अशी कामगिरी केली होती.
(6 / 7)
भारताचा वीरेंद्र सेहवाग पाचव्या स्थानावर आहे. त्याने २०११ मध्ये वेस्ट इंडिजविरुद्ध १४० चेंडूत २०० धावा पूर्ण केल्या होत्या. सेहवागनंतर शुभमन गिल (१४५चेंडूत) आणि सचिन तेंडुलकर (१४७चेंडूत) यांचा नंबर आहे. दुहेरी शतक झळकावणारा सचिन हा पहिला पुरुष क्रिकेटपटू आहे. २०१० मध्ये त्याने ही कामगिरी केली होती.
(7 / 7)
'हिटमॅन' रोहित शर्माच्या नावावर वनडेमध्ये सर्वाधिक तीन द्विशतके झळकावण्याचा विक्रम आहे. मात्र, सर्वात जलद द्विशतक झळकावणाऱ्या खेळाडूंच्या यादीत तो नवव्या स्थानावर आहे. त्याने २०१४ आणि २०१७ मध्ये श्रीलंकेविरुद्ध १५१ चेंडूत २०० धावांचा टप्पा पार केला होता.
इतर गॅलरीज