Shruti Sharma: कोण आहे ‘हीरामंडी’तील ‘सायमा’? बड्या अभिनेत्रींच्या मांदियाळीत भाव खाऊन गेली श्रुती शर्मा!
Shruti Sharma: कोण आहे ‘हीरामंडी’तील ‘सायमा’? बड्या अभिनेत्रींच्या मांदियाळीत भाव खाऊन गेली श्रुती शर्मा!
May 06, 2024 07:32 PM IST
Who is Saima from Heeramandi: 'हीरामंडी' सीरिजमधील एक पात्र असे आहे जे खूपच लहान आहे. परंतु, या छोट्याशा भूमिकेने बॉलिवूड सुंदरीला खूप लोकप्रियता मिळवून दिली आहे.
(1 / 5)
संजय लीला भन्साळी यांच्या 'हीरामंडी' या वेब सीरिजने इंटरनेटवर धुमाकूळ घातला आहे. ही वेब सीरिज प्रदर्शित झाल्यापासून प्रचंड चर्चेत आहे. 'हीरामंडी'मधील प्रत्येक कलाकाराने दमदार काम केले आहे आणि आपल्या अभिनयाने लोकांची मने जिंकली आहेत. परंतु, या सीरिजमधील एक पात्र असे आहे जे खूपच लहान आहे. परंतु, या छोट्याशा भूमिकेने बॉलिवूड सुंदरीला खूप लोकप्रियता मिळवून दिली आहे.
(2 / 5)
आपण ज्या पात्राबद्दल बोलत आहोत, ती दुसरी कोणी नसून आलमजेबची मैत्रीण आणि वहिदाची मुलगी 'सायमा' आहे. सायमाची भूमिका सध्या चांगलीच चर्चेत आहे. ‘सायमा’ची ही व्यक्तिरेखा साकारणारी सुंदरी दुसरी कोणी नसून अभिनेत्री श्रुती शर्मा आहे. होय, तीच श्रुती शर्मा, जिने २०१८ साली 'इंडियाज नेक्स्ट सुपरस्टार्स' या रिॲलिटी शोमधून आपल्या करिअरची सुरुवात केली होती.
(3 / 5)
श्रुतीने 'हीरामंडी'मध्ये 'सायमा'ची भूमिका करून लोकांची मने जिंकली आहेत. सगळेच प्रेक्षक तिचे भरपूर कौतुक करत आहेत. या सीरिजमध्ये ती आलमजेबची मैत्रीण बनली आहे आणि नंतर ती एक मोठी गायिका बनते.
(4 / 5)
आलमजेब आणि सायमा यांच्यातील मैत्री किती घट्ट आहे, हे या सीरिजमध्ये दाखवण्यात आले आहे. दोन्ही मैत्रिणी एकमेकींसाठी कोणत्याही थराला जायला तयार आहेत. आलमपेक्षा सायमाचे पात्र लोकांना जास्त आवडते आहे.
(5 / 5)
याशिवाय सायमाचे इक्बालसोबतचे प्रेमही लोकांची मने जिंकत आहे. या दोघांची लव्हस्टोरी अफलातून असली, तरी नंतर या कथेचा शेवट खूपच वाईट होतो. पण, सायमाचा अभिनय प्रेक्षकांची मने जिंकत असून चाहते तिची खूप प्रशंसा करत आहेत. या आधी ‘सायमा’ साकारणाऱ्या अभिनेत्री श्रुती शर्मा हिने टीव्ही मालिकांमध्येही काम करून प्रेक्षकांना भुरळ घातली आहे. आज घडीला या अभिनेत्रीची फॅन फॉलोइंग खूप मोठी आहे.
इतर गॅलरीज