Richest Indians : देशातील पहिल्या पाच अब्जाधीशांकडे नेमकी किती संपत्ती? सर्वाधिक श्रीमंत कोण?
Richest Indians : देशातील पहिल्या पाच अब्जाधीशांकडे नेमकी किती संपत्ती? सर्वाधिक श्रीमंत कोण?
Aug 30, 2024 04:14 PM IST
Top 5 richest Indians : हुरून इंडियानं २०२४ मधील टॉप ५ श्रीमंत भारतीयांची यादी गुरुवारी जाहीर केली. या यादीत एक हजार कोटींपेक्षा जास्त संपत्ती असलेल्या भारतीयांचा समावेश करण्यात आला आहे. कोण आहेत हे अब्जाधीश? पाहूया…
(1 / 6)
हुरुन इंडियानं २०२४ साठीची श्रीमंतांची यादी गुरुवारी जाहीर केली. या यादीत १ हजार कोटी रुपयांपेक्षा जास्त संपत्ती असलेल्या भारतीयांचा समावेश करण्यात आला आहे. गेल्या वर्षीच्या तुलनेत या यादीत २२० व्यक्तींची भर पडली असून अब्जाधीशांची एकूण संख्या १,५३९ झाली आहे. यावर्षी या श्रीमंतांच्या एकूण संपत्तीत ४६ टक्क्यांनी वाढ झाली आहे. मुकेश अंबानी आणि गौतम अदानी आणि इतरांकडे किती संपत्ती आहे ते जाणून घेऊया.(HT)
(2 / 6)
अदानी समूहाचे अध्यक्ष गौतम अदानी हे देशातील सध्याचे सर्वाधिक चर्चेतील उद्योगपती आहेत. राजकीय आणि औद्योगिक अशा दोन्ही कारणांमुळं ते चर्चेत आहेत. हिंडेनबर्ग रिसर्चच्या अहवालात केलेल्या आरोपांतून सावरलेले अदानी पुन्हा एकदा देशातील सर्वात श्रीमंत व्यक्ती बनले आहेत. हुरून इंडियाच्या यादीत त्यांना पहिलं स्थान मिळालं आहे. या यादीनुसार, त्यांची संपत्ती ११.६ लाख कोटी रुपये आहे. गेल्या वर्षीच्या तुलनेत त्यांच्या संपत्तीत ९५ टक्क्यांनी मोठी वाढ झाली आहे.
(3 / 6)
बाजारमूल्याच्या बाबतीत देशातील सर्वात मोठा उद्योगसमूह असलेल्या रिलायन्स इंडस्ट्रीजचे अध्यक्ष आणि व्यवस्थापकीय संचालक मुकेश अंबानी श्रीमंतांच्या यादीत दुसऱ्या स्थानी आहेत. गेल्या वर्षीच्या तुलनेत अंबानींची एकूण संपत्ती २५ टक्क्यांनी वाढून १०.१४ लाख कोटींवर पोहोचली आहे. अदानी हे अंबानींच्या पुढं निघून गेले आहेत.
(4 / 6)
एचसीएल टेक्नॉलॉजीज या आयटी कंपनीचे सर्वेसर्वा शिव नाडर आणि त्यांचं कुटुंब ३.१४ लाख कोटी रुपयांच्या संपत्तीसह श्रीमंत भारतीयांच्या यादीत तिसऱ्या क्रमांकावर आहे.
(5 / 6)
सीरम इन्स्टिट्यूट ऑफ इंडियाचे सर्वेसर्वा सायरस पूनावाला यांची एकूण संपत्ती २.८९ लाख कोटी रुपये आहे. ते श्रीमंत भारतीयांच्या यादीत चौथ्या स्थानी आहेत.
(6 / 6)
सन फार्मास्युटिकल्सचे दिलीप सांघवी श्रीमंत भारतीयांच्या यादीत पाचव्या स्थानी आहेत. त्यांची संपत्ती २.५० लाख कोटी रुपये आहे. मागील वर्षीच्या तुलनेत ते एका क्रमांकाने वर सरकले आहेत.
इतर गॅलरीज