Mumbai weather update: मुंबईकरांसाठी खुशखबरी! 'या' दिवशी होणार पाऊस, हवामान खात्याने वर्तवला अंदाज

देशात केरळ येथे मॉन्सून दाखल झाला आहे. मॉन्सून संथ गतीने वाटचाल करत आहे. दरम्यान, पाऊस राज्यात आणि विशेष: मुंबईत कधी होणार या बाबत हवामान विभागाने मोठी अपडेट दिली आहे. हवामान विभागाने दिलेल्या अंदाजानुसार मुंबईत ४ ते ५ जूनच्या सुमारास पाऊस पडण्याची शक्यता आहे. 

मुंबईत या दरम्यान,  हलक्या ते मध्यम सरी पडण्याची शक्यता आहे. तर मुंबईत ६  ते १३ जून दरम्यान, पावसाची तीव्रता वाढण्याची शक्यता आहे. या वर्षी मुंबईमध्ये मॉन्सूनचे आगमन वेळेवर होणार आहे. तसेच पावसाचे प्रमाण देखील चांगले राहणार आहे. 

पावसाची प्रगती योग्य गतीने सुरू असून त्यामुळे मुंबईत पाऊस वेळेवर येणार असल्याचा अंदाज आहे.१०  जूनपर्यंत मुंबईच्या कमाल तापमानात सातत्याने घट होणार असल्याचा अंदाज हवामान खात्याने वर्तवला आहे. १० जून रोजी तापमान ३१ अंशांवर पोहोचेल.

हवामान खात्याने दिलेल्या माहितीनुसार  रविवार व  सोमवारी किमान तापमान २८ अंश सेल्सिअसवर स्थिर होते. तर आयएमडीने वर्तवलेल्या  अंदाजानुसार, मंगळवार व  बुधवारी तापमान २७ डिग्री अंश सेल्सिअस पर्यंत कमी होऊन पाऊस पडण्याची शक्यता आहे.   

केरळ पासून मॉन्सूनची वाटचाल पुढे होते आहे. असे असले तरी राज्यात तापमान मोठ्या प्रमाणात वाढले आहे. काही जिल्ह्यात तापमान हे ४६ च्या वर गेले आहे. विदर्भात उष्णतेची लाट आहे.