Zakir Naik : भारतीय तपास यंत्रणांना हवा असलेला धर्मप्रचारक डॉ. झाकीर नाईक युगांडात मजेत जगतोय! पाहा फोटो
Zakir Naik : भारतीय तपास यंत्रणांना हवा असलेला धर्मप्रचारक डॉ. झाकीर नाईक युगांडात मजेत जगतोय! पाहा फोटो
Dec 17, 2024 06:46 PM IST
- Dr. Zakir Naik in Uganda:दहशतवादासंबंधी अनेक आरोप असलेला आणि भारतीय तपास यंत्रणांना हवा असलेला वादग्रस्त धर्मप्रचारक डॉ. झाकीर नाईक हा सध्या युगांडामध्ये असल्याचे वृत्त आहे. युगांडात वाघासोबत त्याने काढलेला फोटो सध्या सोशल मीडियावर व्हायरल झाला आहे.
(1 / 5)
डॉ. झाकीर नाईक युगांडात- भारतीय तपास यंत्रणांना हवा असलेला, दहशतवादाचे आरोप असलेला वादग्रस्त धर्मप्रचारक डॉ. झाकीर नाईक हा सध्या युगांडात असून तेथे वाघासोबतचा त्याचा फोटो साशल मीडियावर व्हारयल झाला आहे. त्यानंतर नाईक पुन्हा चर्चेत आला आहे. मुंबईत जन्म झालेला वादग्रत इस्लामी धर्मप्रचारक डॉ. झाकीर नाईक हा १ जुलै २०१६ रोजी बांगलादेशातील ढाका येथील एका कॅफेत झालेल्या बॉम्बस्फोटानंतर भारतातून परदेशात पळून गेला होता. भारतीय तपास यंत्रणा त्याच्या मागावर आहेत.
(2 / 5)
युगांडात करणार धर्मप्रचार- त्याच्या पीस टीव्ही आणि सोशल मीडिया नेटवर्क्सद्वारे वेगवेगळ्या समुदायांमध्ये द्वेष पसरवल्याचा आरोप त्याच्यावर आहे. डॉ. नाईक याचे २० दशलक्षाहून अधिक फॉलोअर्स आहेत. तो सध्या मलेशियात राहत असून अलिकडे त्याने पाकिस्तानला भेट दिली होती. पाकिस्तानात व्याख्याने दिल्यानंतर नाईक याने आता आफ्रिका खंडातील युगांडा या देशाला भेट दिली आहे. तेथे तो धर्मप्रचार करणार आहे.
(3 / 5)
सध्या डॉ. झाकीर नाईक हा आफ्रिका खंडातील युगांडा या देशात आहे. तेथे कंपाला येथे त्यांच्या सार्वजनिक व्याख्यानांची मालिका होणार आहे. कंपाला येथील पर्ल ऑफ आफ्रिका या हॉटेलमध्ये शुक्रवार आणि शनिवारी तो शांती, अध्यात्म आणि आंतरधर्मीय संवाद या विषयांवर व्याख्याने देणार आहे. कंपाला येथे पत्रकार परिषद घेऊन डॉ. नाईक याने ही माहिती दिली आहे.
(4 / 5)
युगांडामध्ये साधणार विशेष संवाद- शुक्रवारी त्याचे व्याख्यान सुरू होण्यापूर्वी कॉर्पोरेट डिनर होणार आहे. तेथे डॉ. नाईक युगांडाच्या धार्मिक, व्यावसायिक आणि राजकीय समुदायातील प्रमुख व्यक्तींशी संवाद साधणार आहे. हा कार्यक्रम संवाद आणि सहभाग यासाठी घेण्यात आला आहे.
(5 / 5)
डॉ. नाईक याची ही भाषणे त्यांच्या धर्मप्रचाराच्या मोहिमेचा एक भाग आहेत. या मोहिमेअंतर्गत त्याने उत्तर अमेरिका, युरोप, आशिया, आफ्रिका आणि ऑस्ट्रेलियासह खंडांमध्ये २००० हून अधिक सार्वजनिक व्याख्याने दिली आहेत. २०१२ मध्ये भारतातील बिहारमधील किशनगंज येथे झालेल्या त्यांच्या व्याख्यानात दहा लाखांहून अधिक लोक उपस्थित होते. हा कार्यक्रम म्हणजे एकाच वक्त्याच्या धार्मिक व्याख्यानासाठीच्या सर्वात मोठ्या मेळाव्यांपैकी एक होता.
(6 / 5)
झाकीर नाईक वाँटेड- झाकीर नाईक हा भारतीय पोलिसांना हवा आहे. भारतात मनी लाँडरिंग करणे आणि द्वेष पसरविणारी भाषणे करणे असे त्याच्यावर आरोप आहेत. या सर्वच आरोपांचा नाईक याने इन्कार केलेला आहे. आपण भारतातील कोणताही कायदा मोडलेला नाही. त्याच्या कट्टर धार्मिक विचारांमुळे त्याच्यावक बांगलादेश, श्रीलंका आणि ब्रिटनसारख्या देशांमध्ये बंदी घालण्यात आलेली आहे.
इतर गॅलरीज