Vastu Tips For Home : मुलं अभ्यासाकडे दुर्लक्ष करतात? या गोष्टी करा, मुलांना मिळणार घवघवीत यश

पालक त्यांच्या मुलांच्या करिअरसाठी कठोर परिश्रम करतात आणि त्यांच्या मुलांचे भविष्य उज्ज्वल व्हावे अशी त्यांची इच्छा असते. परंतु अनेक वेळा मुलांच्या प्रयत्नांना अनुकूल परिणाम मिळत नाही आणि त्यांना पुन्हा पुन्हा अपयशाला सामोरे जावे लागते. करिअरमध्ये यश मिळवण्यासाठी कठोर परिश्रमांबरोबरच मुलांच्या खोलीची योग्य वास्तू असणे आणि वास्तूनुसार काही बदल करणे देखील खूप महत्वाचे आहे.

मुलांची खोली पूर्व, उत्तर-पूर्व दिशेला ठेवा. पूर्व, उत्तर किंवा ईशान्य दिशा ही ध्यान आणि शांतीची दिशा मानली जाते आणि या दिशेने सकारात्मक ऊर्जेचा प्रभाव सर्वाधिक असतो. शिक्षण आणि चांगल्या करिअरच्या दृष्टीने ही बाब अत्यंत शुभ मानली जाते. तुमच्या मुलांच्या उज्ज्वल भविष्यासाठी घराच्या ईशान्य दिशेची उर्जा सक्रिय करण्यासाठी सर्वतोपरी प्रयत्न करा. तसेच, ताजी हवा आणि भरपूर सूर्यप्रकाश मिळावा यासाठी खिडक्या उघड्या ठेवा.

मुलांची खोली स्वच्छ आणि मध्यभागी रिकामी ठेवा, खोलीच्या भिंतीचा रंग हलका पिवळा, हलका गुलाबी किंवा हलका हिरवा असेल तर चांगले आहे, करिअरमध्ये यश मिळवण्यासाठी घराच्या उत्तर भिंतीवर हिरवीगार जंगले किंवा पिकांची छायाचित्रे लावणे फायदेशीर ठरते.

अभ्यासाचे टेबल ठेवण्यासाठी उत्तर दिशा हे सर्वात योग्य ठिकाण आहे, येथे टेबल ठेवल्याने मुलांचे करिअरवर जास्तीत जास्त लक्ष केंद्रित केले जाते.

मुलांनी झोपताना उत्तर किंवा पूर्वेकडे तोंड करून झोपावे. असे केल्याने मुले पटकन त्यांचे ध्येय साध्य करू शकतात.

वास्तूनुसार, उत्तरेकडे डोके ठेवून झोपल्याने झोपेचा त्रास होतो आणि डोकेदुखी होऊ शकते. स्मरणशक्ती आणि एकाग्रता सुधारण्यासाठी विद्यार्थ्यांनी पूर्वेकडे डोके ठेवून झोपणे फायदेशीर आहे. वास्तूनुसार, मुले आणि विद्यार्थ्यांसाठी पश्चिमेकडे डोके ठेवून झोपणे देखील अनुकूल आहे कारण या दिशेने नाव, कीर्ती आणि समृद्धी वाढते.

करिअरच्या प्रगतीसाठी, खोलीच्या पूर्वेकडील भिंतीवर पंख पसरून आकाशाकडे उडणाऱ्या पक्ष्यांच्या चित्रासह, उगवत्या सूर्याचे चित्र लावा.