Upcoming OTT Release: नोव्हेंबर महिन्यात ओटीटीवर प्रदर्शित होणार ‘हे’ सिनेमे आणि वेब सीरिज? वाचा यादी

नोव्हेंबर महिन्यात अनेक वेब सिरीज आणि सिनेमे रिलीज होणार आहेत. हे चित्रपट आणि वेब सीरिज नेटफ्लिक्स, जी ५, प्राइम व्हिडीओ या ओटीटी प्लॅटफॉर्मवर प्रदर्शित होणार आहेत. चला जाणून घेऊया कोणते...

थिएटरमध्ये प्रदर्शित झाल्यानंतर, करीना कपूरचा 'द बकिंगहॅम मर्डर्स' चित्रपट आता ओटीटीवर प्रदर्शित होणार आहे. हा चित्रपट ८ नोव्हेंबरपासून नेटफ्लिक्सवर प्रदर्शित होणार आहे.

झी ५ने साइकोलॉजिकल ड्रामा सीरीज ‘मिथ्या: द डार्कर चॅप्टर’ १ नोव्हेंबरला प्रदर्शित करण्याचा निर्णय घेतला आहे. या मालिकेत हुमा कुरेशी आणि अवंतिका दासानी यांच्या प्रमुख भूमिका आहेत.

निखिल अडवाणीचा 'फ्रीडम ॲट मिडनाईट' सोनी लिव्हवर प्रदर्शित होणार आहे. या मालिकेची रिलीज डेट अद्याप जाहीर करण्यात आलेली नाही, परंतु ओटीटी प्लॅटफॉर्मने निश्चितपणे सांगितले आहे की ही वेब सिरीज नोव्हेंबरमध्ये प्रदर्शित होईल. या मालिकेत देशाचे पहिले पंतप्रधान पंडित जवाहरलाल नेहरू यांच्या निवडणुकीपासून ते त्यावेळी भारतात काय घडले याची कथा तपशीलवार दाखवण्यात आली आहे.

अमेरिकन वेब सिरीज 'सिटाडेल' 'सिटाडेल: हनी बनी'ची हिंदी आवृत्ती 7 नोव्हेंबरला प्राइम व्हिडिओवर प्रदर्शित होणार आहे. या मालिकेत सामंथा रुथ प्रभू, वरुण धवन, एम्मा कॅनिंग, के के मेनन, सिकंदर खेर, साकिब सलीम, रायमुंडो क्वेरिडो आणि काशवी मुजूमदार यांच्या प्रमुख भूमिका आहेत.

ज्युनियर एनटीआर, जान्हवी कपूर आणि सैफ अली खान यांचा 'देवरा' हा चित्रपट नेटफ्लिक्सवर प्रदर्शित होणार आहे. अहवालानुसार, हा चित्रपट 8 नोव्हेंबरपासून OTT प्लॅटफॉर्मवर प्रदर्शित होईल.