Marathi Movie: सुबोध भावे, सई ताम्हणकर आणि चिन्मय मांडलेकर पंधरा वर्षांनंतर एकत्र, जाणून घ्या चित्रपटाविषयी

मराठी चित्रपटसृष्टीने अतिशय दर्जेदार, आशयपूर्ण चित्रपट देऊन मराठी चित्रपटांना जागतिक दर्जा प्राप्त करून दिला आहे. त्यामुळेच परदेशातूनही अनेक प्रॉडक्शन्स हाऊस मराठी चित्रपटांची निर्मिती करण्यास उत्सुक आहेत. आता एक नवा कोरा चित्रपट प्रेक्षकांच्या भेटीला येता आहे. या चित्रपटात मराठी इंडस्ट्रीमधील तीन मोठे कलाकार दिसणार आहेत.

या चित्रपटाचे नाव 'बोल बोल राणी' असे असून जवळपास १५ वर्षांनंतर सुबोध भावे, सई ताम्हणकर आणि चिन्मय मांडलेकर हे कलाकार दिसणार आहेत.

'बोल बोल राणी'  हा चित्रपट येत्या नवीन वर्षात म्हणजेच ७ फेब्रुवारी २०२५ मध्ये प्रेक्षकांच्या भेटीला येणार असून नुकतेच या चित्रपटाचे चित्रीकरण पूर्ण झाले आहे.

'बोल बोल राणी' या चित्रपटाच्या निमित्ताने सुबोध भावे, सई ताम्हणकर, चिन्मय मांडलेकर हे सुमारे पंधरा वर्षांनंतर पुन्हा एकदा एकत्र येणार आहेत.  

एक वेगळ्या धाटणीचा चित्रपट, उत्कृष्ट कलाकार यांना एकत्र पाहण्याची पर्वणी प्रेक्षकांना लाभणार आहे. त्यामुळे चित्रपटाविषयी उत्सुकता शिगेला पोहोचली आहे.