Horror Movies : तयार व्हा! ‘स्त्री २’नंतर प्रेक्षकांची घाबरगुंडी उडवायला येतायत ‘हे’ चित्रपट
Horror Movies : तयार व्हा! ‘स्त्री २’नंतर प्रेक्षकांची घाबरगुंडी उडवायला येतायत ‘हे’ चित्रपट
Dec 11, 2024 12:45 PM IST
Upcoming Horror Movie : हॉरर कॉमेडीची आवड असलेल्या प्रेक्षकांना येत्या वर्षभरात पुन्हा एकदा काही उत्तम चित्रपट पाहायला मिळणार आहेत. बॉलिवूडबद्दल बोलायचे झाले तर आयुष्मान खुरानाचा 'थामा' हा चित्रपट वर्षाच्या उत्तरार्धात प्रदर्शित होणार आहे.
(1 / 5)
गेल्या काही वर्षांचा बॉक्स ऑफिसचा ट्रेंड पाहिला तर, भारतीय प्रेक्षक ॲक्शन आणि हॉरर कॉमेडी चित्रपटांना पसंती देत आहेत. २०२४मध्ये 'स्त्री २'ने बंपर कमाई केली आणि 'मुंज्या'ला देखील खूप चांगला प्रतिसाद मिळाला. २०२५ आणि २०२६ मध्ये काही हॉरर चित्रपट येणार आहेत, जे प्रेक्षकांचे मनोरंजन करतील. पहा बहुप्रतिक्षित चित्रपटांची यादी…
(2 / 5)
वर्षाच्या सुरुवातीला येणारा पहिला हॉरर चित्रपट 'राजासाब' असणार आहे. या चित्रपटात प्रभास मुख्य भूमिकेत दिसणार आहे. ही एक रहस्यमय प्रेमकथा आहे. या चित्रपटात सई पल्लवीने भूताची भूमिका साकारली आहे. त्यात संजय दत्तही असणार आहे. हा चित्रपट १० एप्रिल २०२५ रोजी प्रदर्शित होणार आहे.
(3 / 5)
'थामा' हा या वर्षातील दुसरा हॉरर चित्रपट असणार आहे. आधी या चित्रपटाचे नाव 'व्हॅम्पायर ऑफ विजयनगर' होते, जे नंतर बदलण्यात आले. आयुष्मान खुराना, नवाजुद्दीन सिद्दीकी आणि रश्मिका मंदाना या चित्रपटात मुख्य भूमिकेत दिसणार आहेत. हा चित्रपट दिवाळी २०२५मध्ये प्रदर्शित होणार आहे.
(4 / 5)
अक्षय कुमारच्या हॉरर कॉमेडी 'भूत बांगला'ची रिलीज डेटही आली आहे. मात्र, यासाठीही प्रेक्षकांना प्रतीक्षा करावी लागणार आहे. हा चित्रपट २ एप्रिल २०२६ रोजी प्रदर्शित होणार आहे.
(5 / 5)
प्रेक्षकही वरुण धवनच्या हॉरर कॉमेडी 'भेडिया'च्या सिक्वेलची वाट पाहत आहेत. रिपोर्टनुसार, चित्रपटाचे शूटिंग सप्टेंबर २०२५मध्ये सुरू होणार असून, तो २०२६मध्ये प्रदर्शित होण्याची शक्यता आहे.
(6 / 5)
'स्त्री' या चित्रपटाचा दुसरा भाग रिलीज करण्यासाठी निर्मात्यांना ६ वर्षे लागली. मात्र, या चित्रपटाशी संबंधित कलाकारांनी सांगितले की, या चित्रपटाच्या तिसऱ्या भागासाठी जास्त प्रतीक्षा करावी लागणार नाही. दिग्दर्शक अमर कौशिक यांनी एएनआयशी संवाद साधताना सांगितले होते की, 'स्त्री ३' प्रदर्शित होण्यासाठी किमान ३ वर्षे लागतील. म्हणजेच २०२७ पर्यंत वाट पहावी लागेल.
इतर गॅलरीज