दिमाखात पार पडला राष्ट्रीय संरक्षण प्रबोधिनीच्या १४७ व्या तुकडीचा दीक्षान्त संचलन सोहळा; पाहा फोटो
दिमाखात पार पडला राष्ट्रीय संरक्षण प्रबोधिनीच्या १४७ व्या तुकडीचा दीक्षान्त संचलन सोहळा; पाहा फोटो
Nov 30, 2024 04:54 PM IST
- NDA Passing out parade 2024: राष्ट्रीय संरक्षण प्रबोधिनीच्या १४७ व्यां तुकडीचा दीक्षान्त संचलन सोहळा आज खेत्रपाल मैदानावर दिमाखात पार पडला. यावेळी मुलांनी अंतिम पग पार करत देशसेवेसाठी आपले आयुष्य समर्पित केले.
(1 / 11)
राष्ट्रीय संरक्षण प्रबोधिनीच्या १४७ व्यां तुकडीचा दीक्षान्त संचलन सोहळा आज खेत्रपाल मैदानावर दिमाखात पार पडला.
(2 / 11)
देशांचे हवाईदल प्रमुख एयर चीफ मार्शल अमरप्रीत सिंह हे प्रमुख पाहुणे म्हणून यावेळी उपस्थित होते. त्यांनी दीक्षांत संचलन सोहळ्याची पाहणी करत विद्यार्थ्यांना मार्गदर्शन केले.
(3 / 11)
यावेळी एयर चीफ मार्शल अमरप्रीत सिंह म्हणाले, राष्ट्रीय संरक्षण प्रबोधिनीमध्ये प्रशिक्षण घेऊन तुम्ही सैन्य दलात दाखल होत आहात, पण याठिकाणी घेतलेलं प्रशिक्षण ही पहिली पायरी आहे. देशाचं संरक्षण करताना तुमचं प्रशिक्षण सतत सुरू असेल, असं प्रतिपादन हवाई दल प्रमुख अमर प्रीत सिंग यांनी केलं.
(4 / 11)
सिंग पुढे म्हणाले की, सैन्य दलाच्या कारकीर्दीत कठीण निर्णय घेण्याची वेळ तुमच्यावर येईल त्यावेळी तुम्ही तुमच्या विचारांशी एकनिष्ठ रहा म्हणजे सोप्या मार्गाचा अवलंब न करता आव्हानात्मक मार्गाचा स्वीकार कराल.
(5 / 11)
सिंग पुढे म्हणाले की, सैन्य दलाच्या कारकीर्दीत कठीण निर्णय घेण्याची वेळ तुमच्यावर येईल त्यावेळी तुम्ही तुमच्या विचारांशी एकनिष्ठ रहा म्हणजे सोप्या मार्गाचा अवलंब न करता आव्हानात्मक मार्गाचा स्वीकार कराल.
(6 / 11)
डोळ्यात देशसेवेची स्वप्न घेऊन तीन वर्षांचे पूर्ण केलेले खडतर प्रशिक्षण... येणाऱ्या आव्हानांना सक्षमपणे पेलण्याचा आत्मविश्वास... लष्करी बँड पथकाच्या कदम कदम बढायेजा... विजय भारत... सारे जहा से अच्छा या गाण्यांच्या तालावर शिस्तबद्ध संचलन अशा दिमाखदार वातावरणात राष्ट्रीय संरक्षण प्रबोधिनीचा १४७ तुकडीचा दीक्षांत संचलन सोहळा उत्साही वातावरणात प्रबोधिनीच्या खेत्रपाल परेड ग्राऊंडवर पार पडला.
(7 / 11)
पहाटेच्या रम्य वातावरणात बिगुल वाजल्यानंतर राष्ट्रीय संरक्षण प्रबोधिनीतील ‘क्वाटर डेक’चा उघडलेला दरवाजा आणि या दरवाजातून विविध सुरावटींच्या तालावर संचलन करत खेत्रपाल मैदानावर लष्करी बॅण्डचे झालेले आगमन, त्यापाठोपाठ प्रबोधिनीच्या छात्रांच्या मैदानावर झालेल्या प्रवेशामुळे उपस्थितांच्या अंगावर शहारा आला.
(8 / 11)
या दिमाखदार संचलन सोहळ्याला सुपर डीमोना या छोट्या विमानाचं आगमन झालं. सिंग यांच्या हस्ते राष्ट्रपती सुवर्ण पदक अंकित चौधरी, रौप्य पदक युवराजसिंग चौहान, कांस्य पदक जोधा थोंगजय मयो तर गोल्फ squrdern ला चीफ ऑफ बॅनर प्रदान करून गौरवण्यात आलं.
(9 / 11)
प्रमुख पाहुणे हवाई दल प्रमुख एयरचीफ मार्शल अमरप्रित सिंग यांनी संचलनाचे निरीक्षण केलं आणि त्यानंतर कदम कदम बाढाये जा या गीतावर छात्रांचे तालबद्ध संचालन सुरू झालं. छात्र अंकित चौधरी यांनी संचलनाच नेतृत्व केलं. या संचलनात कयुबेक हे मुलींचं squrden पण सहभागी झालं होतं.
(10 / 11)
प्रमुख पाहुण्यांच्या भाषणानंतर छात्र अंतिम पग म्हणजे अंतिम पायरिकडे निघाले.
(11 / 11)
अंतिम पायरी चढली म्हणजे राष्ट्रीय संरक्षण प्रबोधिनीचे प्रशिक्षण पूर्ण करून सैन्य दलात दाखल होतो, अशी मान्यता आहे. यावेळी सुखोई या हवाई दलाच्या लढाऊ विमानांनी छात्रांनी सलामी दिली. १४७ व्या तुकडीतील ३५७ छात्र सैन्य दलात दाखल झाले. यामध्ये १९ मित्र देशांच्या छत्रांचा समावेश होता.
इतर गॅलरीज