Uddhav Thackeray Local train : उद्धव ठाकरे यांचा बोईसर ते वांद्रे लोकल ट्रेनने प्रवास, पाहा Photos
Uddhav Thackeray Local train : उद्धव ठाकरे यांचा बोईसर ते वांद्रे लोकल ट्रेनने प्रवास, पाहा Photos
Apr 12, 2024 10:08 PM IST
Uddhav Thackeray Local Train Travel : फेब्रुवारी महिन्यात उद्धव ठाकरेंनी कोकणमधील 'जनसंवाद यात्रा' संपवून सपत्नीक कोकणातील खेड ते मुंबई दरम्यान वंदे भारत या रेल्वेने प्रवास केला होता. यानंतर त्यांनी आज त्यांनी बोईसर ते वांद्रे लोकल रेल्वेने प्रवास केला आहे. त्यांच्या लोकल प्रवासाची चर्चा होत आहे.
(1 / 4)
शिवसेना ठाकरे गटाचे पक्षप्रमुख व माजी मुख्यमंत्री उद्धव ठाकरे यांची लोकसभा निवडणुकीच्या प्रचारार्थ आज पालघरमध्ये सभा झाली. उद्धव ठाकरेंनी लोकसभेच्या उमेदवार भारती कामडी यांच्या प्रचारासाठी पालघरच्या बोईसरमध्ये सभा घेतली. आपल्या भाषणात उद्धव ठाकरेंनी पंतप्रधान नरेंद्र मोदी, केंद्रीय गृहमंत्री अमित शहा, मुख्यमंत्री एकनाथ शिंदे यांच्यावर जोरदार हल्लाबोल केला. बोईसरमधील सभा आटोपून उद्धव ठाकरेंनी चक्क लोकल रेल्वेने प्रवास केला आहे. फेब्रुवारी महिन्यात उद्धव ठाकरेंनी वंदे भारत रेल्वेतून प्रवास केला होता. त्यानंतर त्यांच्या आजच्या लोकल प्रवासाची एकच चर्चा रंगली आहे.
(2 / 4)
भारती कामडी यांच्या प्रचारासाठीची बोईसर येथील सभा संपल्यानंतर उद्धव ठाकरे आपल्या खासगी वाहनाने थेट बोईसर रेल्वे स्थानकावर दाखल झाले. उद्धव ठाकरेंना रेल्वे स्थानकावर पोहचताच ठाकरे गटाच्या कार्यकर्त्यांनी व समर्थकांनी स्टेशनवर एकच तोबा गर्दी केली. कार्यकर्त्यांनी रेल्वे स्थानकावर उद्धव ठाकरेंच्या समर्थनार्थ जोरदजार घोषणाबाजी केली. यावेळी उद्धव ठाकरे यांच्यासोबत खासदार संजय राऊत आणि त्यांचे स्वीय सहाय्यक मिलिंद नार्वेकर देखील उपस्थित होते. लोकट ट्रेनमध्ये चढल्यानंतर उद्धव ठाकरेंना विंडो सीट मिळाली. उद्धव यांच्या शेजारी संजय राऊत बसले होते. ठाकरेंच्या लोकलवारीची आता एकच चर्चा सुरू आहे.
(3 / 4)
लोकल प्रवासामध्ये उद्धव ठाकरे संजय राऊत यांच्यासोबत चर्चा करताना दिसत आहेत. बोईंसर येथील सभेत उद्धव ठाकरेंनी पंतप्रधान नरेंद्र मोदी यांच्यावर जोरदार टीका केली. 'नकली शिवसेना ही तुमची डिग्री आहे का?,' असा सवाल करत त्यांनी मोदींवर निशाणा साधला. ते म्हणाले की, 'यापुढे मी जी टीका करणार आहे ती पंतप्रधानांवर नाही तर नरेंद्र मोदी यांच्यावर करणार आहे. कारण देशाच्या पंतप्रधानांचा मी अपमान करू शकत नाही.
(4 / 4)
सभेला संबोधित करताना उद्धव ठाकरेंनी मुख्यमंत्री एकनाथ शिंदे यांच्यावरही टीका केली. ते म्हणाले की, गद्दार मुलाची उमेदवारी जाहीर करू शकत नाहीत. तुम्हाला संपवायला सुरुवात केली आहे. तुम्हाला कळलं नाही. महाराष्ट्राच्या हक्काचं कोणाला ओरबडू देणार नाही. मोदींनी माझ्यासोबत एका व्यासपीठावर यावं व सांगावं त्यांनी १० वर्षात काय केलं मी सांगतो त्यांनी मी अडीच वर्षात काय केलं ते. त्यांना १० वर्षे दिली त्याचं सोनं नाही तर माती केली.
(5 / 4)
उद्धव ठाकरे म्हणाले एका पक्षाचे एका व्यक्तीचे सरकार देशाला हुकूमशाहीकडे नेते. आम्हाला सरकार हवे पण ते भारत सरकार हवे. तुमच्या नावाची पाठी तुमच्या घराला लावा नाहीतर तुम्ही झोला उचलून कुठे जाणार तेथील गुहेला लावा, असा टोला त्यांनी मोदींना लगावला. बाळासाहेब ठाकरेंनी भूमिपुत्रांच्या हक्कासाठी शिवसेना स्थापन केली होती, ती शिवसेना तुम्ही संपवायला निघाला आहात. मात्र, आज तुमच्यासोबत कोण आहे? अमित शहांच्या गाडीत मूळचे भाजपवाले किती? आणि स्टेपण्या किती आत आहेत ते बघा.
इतर गॅलरीज