Photos : उद्धव ठाकरेंची आज औरंगाबादमध्ये सभा, सभेपूर्वीच माहोल गरम, पाहा फोटो

शिवसेना पक्षप्रमुख उद्धव ठाकरे यांची आज संध्याकाळी औरंगाबाद इथं सभा होणार आहे. या सभेत उद्धव ठाकरे कोणत्या विषयावर बोलणार याची उत्सूकता महाराष्ट्राच्या जनतेला लागली आहे.

सभेच्या आधी स्टेजच्या जवळ उभारला गेलेला हा संभाजी महाराजांचा पुतळा सर्वांचं लक्ष वेधून घेत आहे. औरंगाबादचं संभाजी नगर अशा नामांतराची आज घोषणा होणार का? हा आज सर्वात जास्त चर्चेला आलेला मुद्दा आहे. 

औरंगाबादच्या सभेची जय्यत तयारी सुरू झाली आहे. सभेच्या ठिकाणी वातावरण भगवं करण्यात आलं आहे. राज्यभरातून शिवसैनिक इथं येणार असल्यानं सभेत कोणतीही कसर राहाणार नाही याची काळजी घेण्यात येत आहे.

राज्यभरातून मोठ्या प्रमाणात शिवसैनिक इथं येणार आहेत. आज औरंगाबाद भगव्या रंगात न्हाऊन निघणार आहे. मात्र पोलिसांनी घालून दिलेल्या १७ अटीशर्तींचं पालन या वेळेस करावं लागणार आहे

या सभेआधीच भाजप मात्र आक्रमक झालेला पाहायला मिळालाय. सभेआधी सकाळीच भाजपने हे असे बॅनर्स लावत औरंगाबादच्या जनतेचं लक्ष वेधण्याचा प्रयत्न केला आहे. मात्र शिवसैनिकांनी मोठ्या हुशारीनं हे बॅनर्स काढण्यात यश मिळवलं आहे.