Weight Loss Breakfast: रात्रभर दुधात किंवा दह्यात भिजवा हे धान्य आणि सकाळी फळांसोबत खा, लवकर कमी होईल वजन
Weight Loss Breakfast: रात्रभर दुधात किंवा दह्यात भिजवा हे धान्य आणि सकाळी फळांसोबत खा, लवकर कमी होईल वजन
- Healthy Breakfast for Weight Loss: कामाच्या गडबडीत अनेकांना सकाळचा नाश्ता तयार करायला वेळ मिळत नाही. नाश्ता बनवण्याच्या त्रासामुळे काहीजण ते टाळतात. हे धान्य अशांसाठी चांगले काम करेल. हे रात्रभर दुधात भिजवून सकाळी तयार करुन खा.
जर तुम्ही सकाळी बराच वेळ रिकाम्या पोटी राहिलात तर अनेक आरोग्य धोके उद्भवू शकतात. उठल्यानंतर दोन ते तीन तासांत नाश्ता करण्याचा सल्ला डॉक्टर देतात. सकाळी नाश्ता तयार करण्याचा वेळ वाचवायचा असेल तर रात्री झोपण्यापूर्वी ओट्स दुधात भिजवा. ते कसे करायचे ते जाणून घेऊया
ओट्समध्ये भरपूर फायबर असल्याने पोट जास्त काळ भरलेले राहते. ओट्समध्ये अमिनो अॅसिड, लाइसिन, मेथिओनाइन, ल्युसीन आणि अँटीऑक्सिडंट्स देखील असतात. हे सर्व शरीरासाठी खूप फायदेशीर आहेत. ओट्स खराब कोलेस्ट्रॉल किंवा एलडीएल पातळी देखील कमी करतात. पचनास मदत होते. उच्च रक्तदाबाचा त्रास असलेल्यांसाठी देखील हे उत्कृष्ट आहे.
एक ग्लास किंवा उंच कंटेनर घ्या. आता त्यात एक तृतीयांश दूध घाला. आता त्यात ओट्स घाला. संपूर्ण ओट्स दुधात भिजत असल्याची खात्री करा. तुम्ही १ चमचा चिया सीड्स देखील घालू शकता. गोड चवीसाठी साखरेऐवजी मध किंवा मॅपल सिरप घाला.
आता रात्रभर फ्रीजमध्ये ठेवा. तुम्ही सकाळी उठून बघाल की ओट्स फुगले आहेत. त्यात आवडीचे फळ टॉपिंग म्हणून वापरा. फळांसोबत ड्राय फ्रूट्सही टाकू शकता. ओट्स भिजवताना कोको पावडर घातली तरी चव वाढते. दुधाऐवजी दही वापरु शकता.
परंतु तुम्हाला हे लक्षात ठेवावे लागेल की ओट्सचे प्रमाण मोजून आणि कॅलरीज मोजून खावे. न्युटेला, साखर, चॉकलेट सिरप वापरु नका. ड्रायफ्रूट्सचे घेताना प्रमाणाची काळजी घ्या.