Constipation in Kids: बाळाचे पोट साफ होत नाही? बद्धकोष्ठता कमी करतील या गोष्टी

जंक फूड खाणे, रात्री उशिरापर्यंत जागी राहणे, अनियमित वेळी खाणे यामुळे मुलांमध्ये बद्धकोष्ठता वाढू शकते. आयुर्वेद तज्ज्ञ दीक्षा भावसार यांनी मुलांची ही समस्या सोडवण्यासाठी काही उपाय सांगितले आहेत. 

बाळाला रोज सकाळी एक ग्लास कोमट पाणी द्या. त्यामुळे हा त्रास मोठ्या प्रमाणात कमी होईल.

मुलांना रोज सकाळी 4-5 भिजवलेले मनुके खायला द्या. यामुळे पोटही वेळेत साफ होईल.

रात्री झोपण्यापूर्वी एक ग्लास गाईच्या दुधात अर्धा चमचा तूप मिक्स करून मुलाला प्यायला द्यावे. त्यामुळे देखील पोट सहज साफ होईल. 

मुलाला गॅसची समस्या असेल तर ती कमी करण्यासाठी रात्री झोपताना त्यांच्या पोटावर हिंगाची मालिश करा. मसाज करताना हात सर्कुलर फिरवा. घड्याळाच्या दिशेने मालिश करण्याचे लक्षात ठेवा. 

मुलांना कच्च्या भाज्या खाऊ देऊ नका. अर्धवट शिजलेल्या भाज्यांमुळे बद्धकोष्ठतेचा त्रास होऊ शकतो. त्यामुळे कच्च्या भाज्या देणे टाळा. यामुळे बद्धकोष्ठतेची समस्या कमी होईल. 

त्यांना घरी शिजवलेले हलके अन्न द्यावे. शिळे अन्न देऊ नका. बाहेरचे जंक फूड किंवा जास्त गोड पदार्थ नको. हे स्टूल कडक करतात.

त्यांना बाहेर मैदानी खेळ, पार्क मध्ये खेळण्यासाठी प्रोत्साहित करा. घरात एकाच जागी जास्त वेळ बसू नका. त्यामुळे बद्धकोष्ठतेची समस्याही कमी होते.