Sunburn Solution: सनबर्न पासून आराम मिळवण्यासाठी करा हे आयुर्वेदिक उपाय, आहेत खूप प्रभावी

"सनबर्न अनेक घटकांमुळे होतो, ज्यात उन्हात घालवलेला वेळ, दिवसाची वेळ, अतिनील किरणांची तीव्रता, आपल्या त्वचेचा प्रकार आणि कोणत्याही स्थानिक किंवा अंतर्गत उपचारांचा वापर यांचा समावेश होतो,"  असे  आयुर्वेद आणि गट हेल्थ कोच डॉ. डिंपल जांगडा यांनी नुकत्याच केलेल्या इन्स्टाग्राम पोस्टमध्ये म्हटले आहे. त्यांनी या पोस्टमध्ये सनबर्नसाठी काही आयुर्वेदिक उपाय सांगितले आहेत.

कोरफड: कोरफड किंवा एलोवेरा जेल लावल्याने सनबर्न झालेली त्वचा शांत, थंड आणि हायड्रेट होते. तसेच जळजळ देखील कमी होते.

कोरफड जेल काढण्यासाठी पान एका प्लेटवर ठेवा आणि मध्यभागी कापून घ्या. हे ताजे जेल थेट आपल्या त्वचेवर लावा.

मध: मध नैसर्गिकरित्या मॉइश्चरायझिंग, अँटी इंफ्लेमेटरी आहे आणि सनबर्न झालेल्या त्वचेला शांत करण्यास मदत करते. उन्हामुळे खराब झालेल्या भागावर मधाचा पातळ थर लावा. साधारण १५ ते ३० मिनिटे बसू द्या आणि नंतर धुवा. 

हायड्रेटेड राहा: निरोगी त्वचेसाठी हायड्रेटेड राहणे आवश्यक आहे. जेव्हा आपली त्वचा खराब होते तेव्हा पाणी अधिक आवश्यक होते, जसे की सनबर्ननंतर.
 

हे लक्षात ठेवणे महत्वाचे आहे की आयुर्वेदिक उपचार व्यापक धोरणे देतात. परंतु प्रत्येक व्यक्तीचा प्रतिसाद भिन्न असू शकतो. आपल्या आहारात कोणतेही नवीन उपचार किंवा सप्लीमेंट्स जोडण्यापूर्वी प्रशिक्षित हेल्थ केअर प्रोफेशनल किंवा डॉक्टरांचा सल्ला घ्या. विशेषत: जर आपण कोणतीही औषधे घेत असाल किंवा आधीपासून वैद्यकीय परिस्थिती असेल तर.