High Cholesterol Tips: कोलेस्ट्रॉलचा धोका टाळायचाय? दररोज करा हे ३ योगासने

अतिरिक्त कोलेस्ट्रॉल शरीरासाठी अजिबात चांगले नाही. कोलेस्ट्रॉल मुख्यत्वे तळलेले, फास्ट फूड आणि इतर काही पदार्थांमधून आपल्या शरीरात येते. कोलेस्ट्रॉलचे चांगले आणि वाईट असे दोन प्रकार आहेत. उच्च घनतेच्या लिपोप्रोटीनला चांगले कोलेस्ट्रॉल म्हणतात. हे कोलेस्ट्रॉल हृदय निरोगी ठेवण्यास मदत करते.

दुसरीकडे, कमी घनतेचे कोलेस्ट्रॉल शरीरासाठी हानिकारक आहे. तज्ञ या कोलेस्ट्रॉलला बॅड कोलेस्ट्रॉल म्हणतात. अतिरिक्त कोलेस्ट्रॉलमुळे हृदयविकाराचा धोका वाढतो.

तज्ज्ञांच्या मते, बॅड कोलेस्ट्रॉल रक्तवाहिन्यांमध्ये जमा होऊन रक्तप्रवाह कमी करते. त्यामुळे हृदयविकाराचा धोका वाढतो. काही योगाभ्यास ही कोलेस्ट्रॉलची पातळी कमी करण्यास मदत करतात. हे व्यायाम रोज केल्याने हृदयाचे आरोग्यही सुधारते.

सर्वांगासन : सर्वांगासन व्यायामामध्ये हृदय मेंदूच्या खाली असते. त्यामुळे डोक्याला रक्तपुरवठा वाढतो. त्यामुळे शरीराची कार्यक्षमताही वाढते. या व्यायामामध्ये शरीराचे सर्व अवयव गुंतलेले असतात. म्हणून त्याला सर्वांगासन म्हणतात.

चक्रासन : चक्रासन करण्यासाठी आधी पाठीवर झोपावे. आता दोन पायांमध्ये थोडी जागा ठेवा आणि कोपर वाकवा आणि तळवे जमिनीवर ठेवा. नंतर कंबर, पाठ आणि छाती वर उचला. या अवस्थेत शरीराचा आकार अर्ध वर्तुळासारखा होतो.

शलभासन: दोन हात सरळ, पोट आणि हाताचे तळवे जमिनीवर मांड्यांजवळ ठेवा. आता तळहातावर दाबा आणि हळूहळू दोन्ही पाय शक्य तितक्या वर करा. दोन्ही गुडघ्यांकडे पाय वाकवू नयेत.