Travelling Tips: टॅक्सीमधून एकटेच प्रवास करताय? मग तुम्हाला 'या' सेफ्टी टिप्स माहिती हव्याच

ऑफिसमधली सकाळची शिफ्ट असो किंवा रात्री उशीरा कुठून तरी घरी परतणं असो, अ‍ॅप बेस्ड टॅक्सी सेवेमुळे या बाबतीत आपल्या सर्वांचं आयुष्य अगदी सोपं झालं आहे. परंतु, अ‍ॅपवरून कॅब बुक करताना आणि प्रवास करताना सावधगिरी बाळगणे अत्यंत गरजेचे आहे. मग ते कुटुंबासोबत बाहेर जाण्याचा विषय असो किंवा दैनंदिन जीवनात कुठेतरी जाण्याचा विषय असो.

आजकाल ऑनलाइन टॅक्सीचा ट्रेंड इतका वाढला आहे की लोक क्वचितच बस किंवा रिक्षासारख्या साधनांचा वापर करतात. याची अनेक कारणे आहेत. आरामदायक प्रवास आणि वाजवी दरात टॅक्सीचा त्रास नाही.

तसेच रात्री किंवा दिवसाच्या कोणत्याही वेळी तुम्ही कोठूनही आरामात स्वत:साठी राइड बुक करू शकता. परंतु, हे फायदे असूनही कॅबने प्रवासादरम्यान होणाऱ्या अपघातांच्या धक्कादायक घटनांच्या बातम्याही ऐकायला मिळतात. पण याचा अर्थ टॅक्सीने प्रवास थांबवावा असा नाही, फक्त काही गोष्टींची काळजी घ्यायला हवी.

मार्ग तपासा-
कॅब बुक करण्यापूर्वी आपला मार्ग नक्की तपासा जेणेकरून तुम्हाला मार्गाचा आगाऊ अंदाज येईल. मार्ग ओळखीचा असेल तर ठीक आहे. नाहीतर याविषयी ओळखीच्या व्यक्तीशी बोलून वाटेतल्या विविध ठिकाणांची थोडी माहिती घेतली तर बरे होईल. यामुळे कॅब ड्रायव्हरला तुमचे गंतव्य स्थान अधिक चांगल्या प्रकारे सांगता येईल आणि जर ड्रायव्हरने पूर्णपणे नवीन मार्गाचा अवलंब केला तर आपण सावध होऊ शकता आणि त्याला प्रश्न विचारू शकता.

विश्वासार्ह कॅब ऑपरेटरची निवड-
नेहमीपेक्षा कमी भाड्याने सेवा देण्याचा दावा करणारे अनेकअ‍ॅप्स आहेत. मात्र, त्यांच्या विश्वासार्हतेची शाश्वती नसते. त्यामुळे काही पैसे वाचवण्याचा मोह न करता व्हेरिफाइड आणि विश्वासार्ह कॅब सेवेची निवड करा. तसेच तेथून येणारा ड्रायव्हरही व्हेरिफाइड आणि प्रोफेशनल आहे की, नाही हे तपासा. कॅब बुकिंग अ‍ॅपवरील ड्रायव्हररेटिंगच्या आधारे तुम्ही अंदाज लावू शकता की हे तुमच्यासाठी सुरक्षित आहे की नाही.

वन टाइम ओटीपी
वन टाइम ओटीपीची पडताळणी करणाऱ्या कॅब ऑपरेटर कंपनीमार्फतच कॅब बुक करण्यासाठी ओटीपी व्हेरिफिकेशन नेहमीच आवश्यक असते. यामुळे कॅब बुक करताच तुम्हाला एक ओटीपी मिळेल. जो ड्रायव्हरसोबत शेअर केल्यानंतरच राइड सुरू करता येईल. ओटीपी व्हेरिफिकेशनची प्रक्रिया हे एक वैशिष्ट्य आहे जे सुरक्षित प्रवासासाठी खूप महत्वाचे आहे कारण कंपनीने जारी केलेल्या ओटीपीद्वारे वाहन आपल्या ठरवलेल्या ठिकाणांवर पोहोचताना ट्रॅकवर असते.
 

जीपीएस फीचरचा वापर-
स्मार्टफोनमधील जीपीएस फीचर समजून घ्या आणि प्रवासादरम्यान त्याचा वापर करा. याच्या मदतीने तुम्ही तुमच्या राइडच्या मार्गावर नजर ठेऊ शकता आणि तुमच्या ठरवलेल्या स्थानापर्यंत पोहोचायला किती वेळ लागेल हेही जाणून घेऊ शकता. प्रवासादरम्यान नेहमी जीपीएस नकाशा चालू ठेवा आणि तपासा.

वाहनाचा नंबर-
वाहनाचा नंबर, ड्रायव्हरडिटेल्स आणि ओटीपी कन्फर्म झाल्यानंतरही गाडीत बसण्यापूर्वी काळजी घ्या. वाहनाचा नंबर आणि ड्रायव्हरचे नाव कॅब कंपनीने आपल्याला पाठवलेल्या नावासारखेच आहे याची खात्री करा. गाडीत बसण्यापूर्वी ड्रायव्हरचे नाव विचारा आणि कुठे जाण्यासाठी कॅब बुक केली आहे हेही सांगा. कॅब बुक केल्यावर राइडडिटेल्समध्ये गाडीचे मॉडेल, रंग, नंबर तसेच ड्रायव्हरचा फोटो आणि त्याचा तपशील असतो. ते मॅच केल्यानंतरच गाडीत बसावे.

विश्वासार्ह-
कॅब ऑपरेटर कंपन्यादेखील आपल्याला आपल्या जवळच्या आणि प्रियजनांसह आपल्या प्रवासाचे तपशील सामायिक करण्याची परवानगी देतात. त्यामुळे कॅब बुक करताच तुमच्या प्रवासाचा तपशील तुमच्या कुटुंबातील सदस्य किंवा जवळच्या व्यक्तींसोबत शेअर करा. जेणेकरून ते जीपीएस प्रणालीद्वारे तुमचा मार्ग पाहू शकतील. यामुळे त्यांना तुमच्या गाडीचा नंबर आणि इतर डिटेल्सही मिळतील.

जर तुम्ही शेअरिंगचीकॅब वापरत असाल तर महिलांसोबत कार शेअरिंगला प्राधान्य द्या. काही कॅब कंपन्या विनंतीनुसार महिला प्रवाशांसाठी महिला ड्रायव्हर देखील देतात. त्याचा वापर करतात. मोठे कॅब ऑपरेटर त्यांच्या गाड्यांमध्ये पॅनिक बटण देखील देतात, जेणेकरून आपत्कालीन परिस्थितीत आपण त्यांच्यामार्फत अलर्ट पाठवू शकता.