Holi 2024: होळीच्या दिवशी ‘अशी’ घ्या डोळे आणि त्वचेची काळजी, वाचा सोप्या टीप्स
Holi 2024: होळीच्या दिवशी ‘अशी’ घ्या डोळे आणि त्वचेची काळजी, वाचा सोप्या टीप्स
Mar 18, 2024 08:12 PM IST
- Holi Celebration 2024: यंदाची होळी आनंदात आणि उत्साहात साजरी करण्यासाठी त्वचा आणि डोळ्यांची काळजी घेणे गरजेचे आहे. ही काळजी कशी घेणार त्यासाठी काही खास टीप्स...
(1 / 7)
संपूर्ण भारतात होळी हा सण मोठ्या धुमधडाक्यात साजरा केला जातो. या सणाच्या दिवशी सर्वजण वेगवेगळे रंग चेहऱ्याला लावून आनंद साजरा करतात. पण कधीकधी या रंगांमुळे त्वेचा, केस आणि डोळ्यांना त्रास होता. हा त्रास होऊ नये यासाठी काही सोप्या टीप्स आम्ही तुम्हाला सांगणार आहोत.
(2 / 7)
तेलाने मालिश- अनेकदा होळी खेळताना वापरण्यात येणाऱ्या रंगामुळे त्वचेचे नुकसान होते. त्वचा कोरडी पडणे, चेहऱ्यावर पिंपल्स येणे, रंग त्वचेच्या आत जाऊन चेहरा काळपट दिसणे अशा अनेक समस्या उद्भवतात. त्यासाठी होळी खेळण्यापूर्वीच त्वचेवर नारळ तेलाने मालिश करावी.
(3 / 7)
चष्मा- होळी खेळताना अनेकदा रंग डोळ्यात जातात आणि डोळ्यांची जळजळ होते. ती होऊ नये यासाठी होळी खेळताना चेहऱ्याला चष्मा लावावा.
(4 / 7)
मास्क- आजकाल बाजारात वेगवेगळे मास्क येतात. होळी खेळताना त्याचा वापर करणे हा योग्य पर्याय आहे. मास्क वापरल्यामुळे रंग डोळ्यात किंवा चेहऱ्याच्या त्वचेवर उडण्याची शक्यता फार कमी होते.
(5 / 7)
केसांना तेल लावावे- अनेकदा होळीच्या रंगामुळे केस कोरडे होतात. त्यामुळे होळी खेळायला जाण्यापूर्वी केसांना तेल लावावे.
(6 / 7)
बॉडी लोशनचा वापर- होळी खेळण्यापूर्वी संपूर्ण शरीरावर बॉडी लोशन लावावे. जेणे करुन त्वचेचे नुकसान होणार नाही.
(7 / 7)
केमिकल असलेले रंग वापरणे टाळावे. जितके नैसर्गिक रंग वापरात येतील तितके चेहरा, त्वचा, केसांचे नुकसान कमी होईल.
इतर गॅलरीज