IPL आधी या ५ खेळाडूंना कोणी ओळखतही नव्हतं, एकाच सामन्यातून बनले सुपरस्टार
IPL आधी या ५ खेळाडूंना कोणी ओळखतही नव्हतं, एकाच सामन्यातून बनले सुपरस्टार
Apr 05, 2024 04:15 PM IST
- Ipl 2024 : आयपीएल २०२४ मध्ये आतापर्यंत १७ सामने खेळले गेले आहेत. यामध्ये अनेक युवा खेळाडूंनी आपला ठसा उमटवला आहे. IPL सुरू होण्यापूर्वी या खेळाडूंना कोणी ओळखतही नव्हते. पण आता ते सुपरस्टार बनले आहेत. आज आम्ही तुम्हाला अशाच ५ खेळाडूंबद्दल सांगणार आहोत, ज्यांनी सर्वांचे लक्ष वेधून घेतले आहे.
(1 / 5)
IPL २०२४ सुरू होण्यापूर्वी फक्त स्टार खेळाडूंची चर्चा होती. कारण लीगनंतर लगेचच टी-20 विश्वचषक होणार आहे. त्यामुळे सर्वांच्या नजरा स्टार खेळाडूंच्या कामगिरीकडे होत्या. पण आता IPL सुरू झाल्यानंतर अनेक युवा खेळाडूंनी आपल्या खेळाने स्टार खेळाडूंची चर्चा थांबवली असून ती सर्व चर्चा आपल्याभोवती वळवली आहे.(ipl 20)
(2 / 5)
नमन धीर - आयपीएल हंगाम सुरू होण्याआधी नमन धीरचे नाव कदाचितच कोणाला ठाऊक असेल. तिन्ही सामन्यांत मुंबई इंडियन्सने नमनला तिसऱ्या क्रमांकावर संधी दिली होती. तो राजस्थानविरुद्ध अपयशी ठरला पण पहिल्या दोन सामन्यांत त्याने आपल्या फटकेबाजीने सर्वांना प्रभावित केले. त्याने लीगमध्ये २०० च्या स्ट्राईक रेटने धावा केल्या आहेत.(ipl 20)
(3 / 5)
महिपाल लोमरोर- महिपाल लोमरोर अनेक वर्षांपासून आयपीएलमध्ये खेळत आहे. मात्र यंदा आरसीबीकडून इम्पॅक्ट प्लेयर म्हणून खेळत दमदार फलंदाजी केली आहे. आरसीबीने या मोसमात एकमेव सामना जिंकला आहे. त्या सामन्यात लोमरोरने ८ चेंडूत १७ धावा करत फिनिशरची भूमिका बजावली होती. लखनौविरुद्धही तो शेवटी आला आणि त्याने केवळ १३ चेंडूत ३३ धावा केल्या.(ipl 20)
(4 / 5)
आंगक्रिश रघुवंशी - कोलकाता नाईट रायडर्सकडून आंगक्रिश रघुवंशीने आतापर्यंत केवळ एका डावात फलंदाजी केली आहे. यामध्ये त्याने अर्धशतक झळकावले आहे. या फलंदाजाने मैदानाच्या प्रत्येक कोपऱ्यात फटके खेळले. त्याच्या रिव्हर्स स्कूपचीही खूप चर्चा झाली. २५ चेंडूत अर्धशतक झळकावणारा आंगक्रिश अवघ्या एका सामन्यानंतरच स्टार झाला आहे.(ipl 20)
(5 / 5)
मयंक यादव - या मोसमात सर्वाधिक चर्चा मयंक यादवची होत आहे. मयंकने आतापर्यंत दोन सामने खेळले असून १५५ किमी प्रतितास वेगाने ३ चेंडू टाकले आहेत. त्याच्याकडे सातत्याने १५० च्या वेगाने गोलंदाजी करण्याची क्षमता आहे. दोन सामन्यानंतरच त्याला टीम इंडियात स्थान देण्याची मागणी होत आहे.(ipl20)
(6 / 5)
हर्षित राणा - कोलकाता नाईट रायडर्सला पहिल्याच सामन्यात सनरायझर्स हैदराबादचा पराभव करता आला तो केवळ हर्षित राणामुळेच. त्याने शेवटच्या ५ चेंडूंवर ७ धावांचा बचाव केला. आरसीबीविरुद्धच्या सामन्यात फाफ डू प्लेसिस आणि अनुज रावतलाही त्याने बाद केले होते. त्याच्या संथ चेंडूंनी फलंदाजांना खूप त्रास दिला आहे.(ipl20)
इतर गॅलरीज