Pune Rain : पुण्यात पावसाचा जोर वाढला! मध्यरात्रीपासून संततधार! पानशेत, खडकवासला धरणातून विसर्ग वाढवला
Pune Rain : पुण्यात पावसाचा जोर वाढला! मध्यरात्रीपासून संततधार! पानशेत, खडकवासला धरणातून विसर्ग वाढवला
Jul 31, 2024 08:50 AM IST
- Pune rain update : पुण्यात मंगळवारी रात्रीपासून जोरदार पाऊस सुरू आहे. पावसाची संततधार सुरू असल्याने काही सखल भागात पाणी साठण्यास सुरुवात झाली आहे. धरण परिसरात देखील पाऊस वाढला असल्याने पानशेत आणि खडकवासला धरणातून पाण्याचा विसर्ग वाढवण्यात आला आहे.
(1 / 7)
पुण्यात मंगळवारी रात्री पासून पावसाने जोरदार हजेरी लावली आहे. सतत सुरू असलेल्या पावसामुळे काही रस्त्यांवर पाणी साठले आहेत. यमुळे वाहतूक ही संथ गतीने पुढे जात आहे. पुण्यात पुढील काही तासांत पावसाचा जोर वाढण्याची शक्यता देखील वर्तवण्यात आली आहे. (HT_PRINT)
(2 / 7)
हवामान विभागाने पुण्याला पावसाचा यलो अलर्ट दिला आहे. तर गुरुवारी पासून पुढील तीन दिवस पुण्यात पावसाचा ऑरेंज अलर्ट देण्यात आला आहे.
(3 / 7)
पुण्यात घाट विभागात जोरदार पाऊस सुरू आहे. यामुळे धरणे भरण्याच्या मार्गावर आहे. खडकवासला धरण साखळीच्या पाणलोट क्षेत्रात सुरू असलेल्या पावसामुळे दोन्ही धरणातून विसर्ग वाढवण्यात आला आहे. (PTI)
(4 / 7)
पाटबंधारे विभागाने दिलेल्या माहितीनुसार, पानशेत धरणाच्या पाणी पातळीमधील झपाट्याने होत असलेली वाढ व पाणलोट क्षेत्रामधील अतिपर्जन्यमानामुळे सकाळी ८.०० वा. पानशेत धरणाच्या सांडव्यावरून ६ हजार ६९३ क्यूसेक व विद्युत निर्मिती गृहद्वारे ६०० क्यूसेकसेक असा एकूण ७ हजार २९३ क्यूसेक विसर्ग सुरू करण्यात आला आहे. तर पावसाच्या प्रमाणानुसार व येव्यानूसार विसर्ग कमी/जास्त करण्याची शक्यता आहे. नागरिकांनी नदीपात्रात उतरू नये. नदीपात्रात काही तत्सम साहित्य अथवा जनावरे असल्यास तात्काळ हलविण्यात यावी असे आवाहन करण्यात आले आहे.
(5 / 7)
खडकवासला धरणाच्या सांडव्यावरून मुठा नदीपात्रात होणार विसर्ग वाढवून सकाळी ९ वाजता १३ हजार ९८१ क्यूसेक करण्यात येत आहे. पावसाच्या प्रमाणानुसार व येव्यानूसार विसर्ग कमी/जास्त करण्याची शक्यता आहे. (PTI)
(6 / 7)
मुळशी धरणाच्या सांडव्यावरून सुरू असलेला विसर्ग वाढवून सकाळी ९ वाजता ६ हजार ५१ क्युसेक करण्यात येणार आहे. सर्वांनी योग्य ती खबरदारी व दक्षता घेण्याचे आवाहन करण्यात आले आहे.
(7 / 7)
पुण्यात ऑगस्टमहिन्याच्या सुरवातीला पावसाचा जोर वाढणार आहे. हवामान विभागाने पुण्याच्या घाट विभागात अतिवृष्टी होण्याचा इशारा दिला आहे. त्यामुळे या ठिकाणी पर्यटनाला जातांना काळजी घेण्याचे आवाहन करण्यात आले आहे. (PTI)
इतर गॅलरीज