Manmohan Singh : भारताला खरे 'अच्छे दिन' दाखवणारा नेता हरपला! डॉ. मनमोहन सिंग यांना कलाकारांनी वाहिली श्रद्धांजली

माजी पंतप्रधान मनमोहन सिंग यांच्या निधनाने बॉलिवूडमध्येही शोककळा पसरली आहे. अनेक सेलिब्रिटींनी सोशल मीडियावर पोस्ट करून माजी पंतप्रधानांना भावनिक श्रद्धांजली वाहिली आहे.

भारताचे माजी पंतप्रधान डॉ. मनमोहन सिंग यांचे २६ डिसेंबर रोजी वयाच्या ९२व्या वर्षी एम्स, नवी दिल्ली येथे निधन झाले. भारताचे ज्येष्ठ काँग्रेस नेते, अर्थशास्त्रज्ञ आणि अर्थव्यवस्था सुधारक यांनी २००४ ते २०१४ पर्यंत पंतप्रधान म्हणून काम केले आणि देशाच्या इतिहासावर अमिट छाप सोडली. माजी पंतप्रधानांच्या निधनामुळे संपूर्ण देशात शोककळा पसरली आहे. बॉलिवूड सेलिब्रिटींनीही सोशल मीडियावर पोस्ट करून महान राजकारण्याला श्रद्धांजली वाहिली आहे.

बॉलिवूड अभिनेता मनोज बाजपेयी याने माजी पंतप्रधान मनमोहन सिंग यांचा फोटो त्यांच्या ट्विटर खात्यावर शेअर केला आणि त्यांच्या निधनाबद्दल शोक व्यक्त केला. मनोजने आपल्या पोस्टमध्ये लिहिले की,'आमच्या माजी पंतप्रधानांच्या निधनाने दु:ख झाले आहे. आपल्या देशाच्या विकासाच्या प्रत्येक पैलूमध्ये ज्यांचे योगदान नेहमीच स्मरणात राहील असे राजकारणी... त्यांच्या कुटुंबीयांप्रती माझ्या मनःपूर्वक संवेदना.'

स्वरा भास्करने इंस्टाग्रामवर माजी पंतप्रधान मनमोहन सिंग यांचा एक फोटो शेअर केला आहे, ज्यामध्ये स्वरा त्यांना आदरांजली वाहताना दिसत आहेत. स्वराने पोस्टमध्ये लिहिले की, '(मागे वळून पाहताना) भारताच्या खऱ्या 'अच्छे दिनांचे' अध्यक्षपद भूषवणाऱ्या मनमोहन सिंह यांच्या निधनाने एका युगाचा अंत झाल्यासारखे वाटते, जेव्हा भारत प्रत्यक्षात (अधिक) लोकशाहीवादी होता, जेव्हा भारतीय भयमुक्त होते आणि असहिष्णुता होती. शेवटचा निरोप..  डॉ. सिंग. तुम्हाला जे श्रेय मिळाले, त्यापेक्षा जास्त तुम्ही भारताला दिले.'

कपिल शर्मा याने माजी पंतप्रधान मनमोहन सिंग यांना त्यांचा फोटो शेअर करून श्रद्धांजली वाहिली. माजी पंतप्रधानांच्या निधनावर शोक व्यक्त करताना, कपिलने आपल्या पोस्टमध्ये लिहिले आहे की, 'भारताने आज एक मातब्बर राजकारणी गमावला.'.

माजी पंतप्रधान मनमोहन सिंग यांच्या निधनावर सनी देओलने पोस्ट लिहून शोक व्यक्त केला आहे . सनीने तिच्या पोस्टमध्ये लिहिले आहे की, ‘डॉ. मनमोहन सिंग यांच्या निधनाने मला खूप दुःख झाले आहे. ते एक दूरदर्शी नेते होते ज्यांनी भारताच्या आर्थिक उदारीकरणाला आकार देण्यात महत्त्वाची भूमिका बजावली. त्यांची बुद्धिमत्ता, निष्ठा आणि राष्ट्राच्या विकासातील योगदान सदैव स्मरणात राहील. माझ्या मनःपूर्वक संवेदना. डॉ. मनमोहन सिंग RIP.’

बॉलिवूड अभिनेता मनोज बाजपेयी याने माजी पंतप्रधान मनमोहन सिंग यांचा फोटो त्यांच्या ट्विटर खात्यावर शेअर केला आणि त्यांच्या निधनाबद्दल शोक व्यक्त केला. मनोजने आपल्या पोस्टमध्ये लिहिले की,'आमच्या माजी पंतप्रधानांच्या निधनाने दु:ख झाले आहे. आपल्या देशाच्या विकासाच्या प्रत्येक पैलूमध्ये ज्यांचे योगदान नेहमीच स्मरणात राहील असे राजकारणी... त्यांच्या कुटुंबीयांप्रती माझ्या मनःपूर्वक संवेदना.'

संजय दत्तने लिहिले की, 'डॉ. मनमोहन सिंग यांच्या निधनाने मला खूप दुःख झाले आहे. त्यांचे योगदान भारत कधीही विसरणार नाही'.

रितेश देशमुख याने त्याच्या अकाउंटवर पोस्ट करत शोक व्यक्त केला आणि लिहिले की, ‘आज आम्ही भारताचा सर्वोत्तम पंतप्रधान गमावला आहे. भारताच्या आर्थिक विकासाला चालना देणारी व्यक्ती. ते प्रतिष्ठेचे आणि नम्रतेचे प्रतीक होते. त्यांच्या वारशाचे आम्ही सदैव ऋणी राहू. त्याच्या आत्म्याला शांती लाभो.’