KCR : सत्ता मिळाल्यास दलित कुटुंबांना दरवर्षी १० लाख देणार; मुख्यमंत्री केसीआर यांची घोषणा

Telangana Chief Minister KCR In Nanded Maharashtra : तेलंगणाचे मुख्यमंत्री के. चंद्रशेखर राव यांनी आज नांदेडमध्ये सभा घेत महाराष्ट्रात निवडणुका लढण्यासाठी मोर्चेबांधणी सुरू केली आहे.

Telangana Chief Minister KCR In Nanded : देशात भारत राष्ट्र समितीचं सरकार आल्यास प्रत्येक दलित कुटुंबाला दरवर्षी १० लाख रुपये देणार असल्याची घोषणा केसीआर यांनी केली आहे.

तेलंगण राष्ट्र समिती या राजकीय पक्षाचं नाव बदलून मुख्यमंत्री केसीआर यांनी भारत राष्ट्र समिती असं केलं आहे. त्यानंतर आता त्यांनी तेलंगणातून पहिल्यांदाच महाराष्ट्रात आगेकूच केली आहे.

मुख्यमंत्री केसीआर यांनी जाहीर सभेतून ‘अबकी बार किसान सरकार’, अशी घोषणा देत महाराष्ट्रासह अन्य राज्यांमध्ये भारत राष्ट्र समितीचा विस्तार करणार असल्याचे संकेत दिलेत.

नांदेडच्या सभेतून मुख्यमंत्री केसीआर यांनी महिला, दलित, शेतमजूर, शेतकरी आणि सामान्य नागरिकाचे प्रश्न मांडले आहेत. याशिवाय शेतकऱ्यांच्या प्रश्नावरून केसीआर यांनी भाजपवर सडकून टीका केली आहे.