नेक्सॉन, सफारी किंवा अल्ट्रोज नाहीतर 'ही' आहे टाटाची सर्वाधिक विकली जाणारी कार! पाहा फोटो
नेक्सॉन, सफारी किंवा अल्ट्रोज नाहीतर 'ही' आहे टाटाची सर्वाधिक विकली जाणारी कार! पाहा फोटो
- Tata best selling car: टाटा मोटर्सच्या ऑक्टोबर महिन्यात विक्री झालेल्या कारची आकडेवारी समोर आली. कंपनी भारतीय बाजारात एकूण ८ मॉडेल्सची विक्री करत आहे. यातील ५ मॉडेल्स इलेक्ट्रिक आहेत.
टाटा पंच ही गेल्या महिन्यात टाटा मोटर्सची ही तिसरी सर्वाधिक विकली जाणारी कार होती. तर नेक्सॉनने गेल्या सहा महिन्यांत आपली सर्वोत्तम कामगिरी केली आहे. मात्र, टाटासाठी दरवर्षीप्रमाणे पंच ही पुन्हा एकदा सर्वाधिक विकली जाणारी कार ठरली.
टाटा मोटर्सच्या ऑक्टोबर २०२४ टाटा पंचच्या १५ हजार ७४० युनिट्स विक्री झाली. तर, नेक्सनच्या १४ हजार ७५९ युनिट्स, टियागोच्या ४ हजार ६८२ युनिट्स, अल्ट्रोजच्या २ हजार ६४२ युनिट्स, कर्व्हच्या ५ हजाार ३५१ युनिट्स, सफारीच्या २ हजार ८६ युनिट्स, हॅरियरच्या १ हजार ९४७ युनिट्स आणि टिगोरच्या ९२६ युनिट्सची विक्री झाली. अशा प्रकारे टाटा मोटर्सने भारतीय बाजारात एकूण ४८ हजार १३३ वाहनांची विक्री केली.
टाटा पंचमध्ये १.२ लीटर रेव्होट्रॉन इंजिन देण्यात आले आहे. याचे इंजिन ६००० आरपीएमवर ८६ पीएसपॉवर आणि ३३०० आरपीएमवर ११३ एनएम पीक टॉर्क जनरेट करते. यात ५-स्पीड मॅन्युअल गियरबॉक्स स्टँडर्ड आहे.
टाटा पंचमध्ये 7 इंच टचस्क्रीन सिस्टम, डिजिटल इंस्ट्रूमेंट क्लस्टर, ऑटो एसी, ऑटोमॅटिक हेडलाइट्स, कनेक्टेड कार टेक आणि क्रूझ कंट्रोल सारखे फीचर्स देण्यात आले आहेत. टाटा पंच भारतातील सर्वाधिक विकल्या जाणाऱ्या टॉप-१० वाहनांच्या यादीतही कायम आहे.
सुरक्षेच्या दृष्टिकोनातून टाटा पंचला ग्लोबल एनसीएपीकडून ५ स्टार रेटिंग मिळाले आहे. टाटा नेक्सॉन आणि टाटा अल्ट्रोजनंतर आता टाटा पंचला ग्लोबल एनसीएपीकडून ५ स्टार सेफ्टी रेटिंग मिळाले आहे.