Tata Curvv EV : ८.५ सेकंदात १०० किमी प्रतितास वेग, टाटा कर्व्हचा बाजारात धुमाकूळ

भारतातील प्रमुख वाहन निर्मात्यांपैकी एक असलेल्या टाटा मोटर्सने नुकतीच 'टाटा कर्व्ह' या नवीन इलेक्ट्रिक वाहन लॉन्च केले.

कंपनीने दिलेल्या माहितीनुसार, टाटा कर्व्ह ईव्हीमध्ये १.२ सी चार्जिंग रेट देण्यात आला आहे, ज्यामुळे ती केवळ १५ मिनिटांच्या चार्जिंगमध्ये १५० किमीची रेंज मिळते. या कारमध्ये १२३ किलोवॅटची मोटर देण्यात आली आहे. ज्यामुळे कर्व्ह ईव्ही केवळ ८.५ सेकंदात ० ते १०० किमी प्रति तास वेग पकडू शकते.

टाटा मोटर्सची ऑल न्यू कर्व्ह ईव्ही ही कंपनीची सर्वात प्रीमियम इलेक्ट्रिक कार आहे. कंपनीने याची सुरुवातीची किंमत १७.४९ लाख रुपये निश्चित केली आहे. टाटा कर्व्ह ईव्हीचे एक्सटीरियर आकर्षक एक्सटीरियर डिझाइन देण्यात आले आहे. यात आकर्षक फ्रंट फॅसिया देण्यात आला आहे जो स्लीक एलईडी हेडलॅम्प आणि एलईडी डीआरएलसह येतो. मागील बाजूस वेलकम आणि गुडबाय अॅनिमेशनसह कनेक्टेड टेल लॅम्पदेखील आहेत.

टाटा कर्व्ह ईव्ही एकूण ५ मोनोटोन शेड्समध्ये उपलब्ध आहे. यामध्ये प्रिस्टीन व्हाईट, फ्लेम रेड, एम्पावर्ड ऑक्साईड, प्योर ग्रे आणि व्हर्च्युअल सनराईज यांचा समावेश आहे. टाटा कर्व्ह ईव्हीमध्ये अॅडॅप्टिव्ह क्रूझ कंट्रोल, लेन डिपार्चर वॉर्निंग, लेन कीप असिस्ट, फॉरवर्ड कोलिजन वॉर्निंग, ऑटोमॅटिक इमर्जन्सी ब्रेकिंग, ट्रॅफिक साइन रिकग्निशन, ब्लाइंड स्पॉट डिटेक्शन यांसारखे फीचर्स देण्यात आले आहेत.