Tapsee Pannu: तापसीचा ग्लॅमरस अंदाज; कटआऊट फ्लोरल ड्रेसमध्ये केलं साऱ्यांना घायाळ!

तापसीचा लेटेस्ट लूक इतका ग्लॅमरस आहे की, ती फ्लोरल मॅक्सी ड्रेसमध्ये सोशल मीडियाचे तापमान वाढवताना दिली आहे. तिचे व्हेवी केस तिच्या खांद्यापर्यंत मोकळे सोडले आहेत. आपल्या बेधडक आणि प्रायोगिक फॅशन सेन्ससाठी ओळखली जाणारी तापसी नेहमीच आपल्या फोटोंमुळे फॅशन जगतात खळबळ माजवत असते. काही दिवसांपूर्वी पिवळ्या रंगाच्या साडीत झळकल्यानंतर आता तिने ब्लॅक ड्रेसमध्ये पुन्हा एकदा आपली फॅशन दाखवली आहे. 

 तापसीने तिच्या इन्स्टा अकाऊंटवरून तिच्या फॉलोअर्सना एक गोड सरप्राईज देत काही सुंदर फोटो सोशल मीडियावर अपलोड केले आहेत. तापसीचे हे फोटो पाहून चाहते मंत्रमुग्ध झाले आहेत.

हॉल्टर नेकलाइन, ब्लॅक ब्रालेट टॉप आणि  मल्टी कलर फ्लोरल डिजिटल प्रिंटसह तापसी मॅक्सी ड्रेसमध्ये अतिशय सुंदर दिसत आहे.

सेलिब्रिटी फॅशन स्टायलिस्ट नमिता अलेक्झांडरच्या सहकार्याने तापसीने आपले आउटफिट्स आणि  अॅक्सेसरीज खास बनवल्या आहेत. यात ती एका स्टायलिश आयकॉनसारखी दिसत आहे. तिने मोठ्या काळ्या रंगाचे स्टड इयररिंग्स आणि स्टेटमेंट रिंग परिधान केली आहे.

मेकअप आर्टिस्ट इव्हानिया पन्नूच्या मदतीने तापसी आयशॅडो, काजळ, हायलायटर आणि न्यूड लिपस्टिक शेडमध्ये आपला आकर्षक मेकअप लूक पूर्ण केला आहे.

हेअर स्टायलिस्ट सीमा माने यांनी तिची हेअरस्टाईल केली आहे. तापसीने तिच्या केस सुंदर व्हेवी स्टाईलमध्ये ठेवून स्वतःच्या सौंदर्याला आणखी चार चांद लावले आहेत.