TMKOC: दिलीप जोशीला जेठालाल नाही तर सर्वात आधी 'या' भूमिकेची आली होती ऑफर

'तारक मेहता का उल्टा चष्मा' मालिका लोकांना खूप आवडतो. या मालिकेतील प्रत्येक पात्राने प्रेक्षकांच्या मनात घर केले आहे. पण जेठालाल आणि चंपक चाचा या पात्रांशी प्रेक्षक वेगळ्या प्रकारे कनेक्ट झाले आहेत. पण जेव्हा शो सुरु झाला तेव्हा जेठालाल ही भूमिका दिलीप जोशी ऐवजी इतर कुणाला तरी ऑफर करण्यात आली होती.
 

दिलीप जोशी यांनी 1989 मध्ये अभिनय कारकिर्दीला सुरुवात केली. त्यांनी सलमान खानचे 'मैने प्यार किया', शाहरुख खानचे 'फिर भी दिल है हिंदुस्तानी' आणि 'हम आपके है कौन..!' या चित्रपटात काम केले. तब्बल नऊ वर्षे संघर्ष केल्यानंतर २००८ मध्ये त्यांना 'तारक मेहता का उल्टा चष्मा' मिळाली.

पिंकविलाच्या रिपोर्टनुसार, 'तारक मेहता का उल्टा चष्मा'च्या निर्मात्यांनी यापूर्वी चंपक चाचाच्या भूमिकेसाठी दिलीप जोशीशी संपर्क साधला होता. मात्र, दिलीपला वाटले की तो जेठालालची भूमिका अधिक चांगल्या पद्धतीने साकारू शकेल.

दिलीप जोशी यांनी जेठालालसाठी ऑडिशन दिले आणि चंपक चाचाच्या भूमिकेसाठी अमित भट्ट यांचे नाव दिले. अशा प्रकारे अमित भट्ट यांना ऑडिशन न घेता चंपक चाचाची भूमिका मिळाली. जेठालालच्या भूमिकेसाठी दिलीप जोशी यांची निवड करण्यात आली.

टाईम्स ऑफ इंडियाच्या रिपोर्टनुसार, आज दिलीप जोशी एका एपिसोडसाठी 1.5 ते 2 लाख रुपये घेतात.

तर अमित जोशी प्रत्येक एपिसोडसाठी 70,000 रुपये घेतात.

दिलीप जोशी यांच्या आधी योगेश त्रिपाठी, अली असगर, किकू शारदा, अहान कुरेशी आणि राजपाल यादव यांना जेठालालची भूमिका ऑफर करण्यात आली होती, पण त्यांनी ही ऑफर नाकारली होती.