Asia Cup T20: ‘या’ ५ खेळाडूंमध्ये रंगणार ‘मॅन ऑफ द टुर्नामेंट’ची चुरस
- Asia Cup T20: आशिया चषक T20 क्रिकेट स्पर्धा २७ ऑगस्टपासून संयुक्त अरब अमिराती (UAE) मध्ये होणार आहे. आगामी T20 विश्वचषक पाहता अनेक खेळाडूंसाठी आशिया चषक खूप महत्त्वाचा आहे. आशिया चषकात काही खेळाडूंवर विशेष नजर असणार आहे. हे खेळाडू आपल्या दमदार कामगिरीच्या जोरावर मॅन ऑफ द टुर्नामेंटचा खिताब जिंकू शकतात.
- Asia Cup T20: आशिया चषक T20 क्रिकेट स्पर्धा २७ ऑगस्टपासून संयुक्त अरब अमिराती (UAE) मध्ये होणार आहे. आगामी T20 विश्वचषक पाहता अनेक खेळाडूंसाठी आशिया चषक खूप महत्त्वाचा आहे. आशिया चषकात काही खेळाडूंवर विशेष नजर असणार आहे. हे खेळाडू आपल्या दमदार कामगिरीच्या जोरावर मॅन ऑफ द टुर्नामेंटचा खिताब जिंकू शकतात.
(1 / 11)
आंतरराष्ट्रीय क्रिकेटमध्ये पदार्पण केल्यापासून पाकिस्तानचा कर्णधार बाबर आझम सातत्याने आपल्या फलंदाजीने सर्वांवर छाप पाडत आहे. फार कमी वेळात बाबरची तुलना भारतीय क्रिकेट संघाचा माजी कर्णधार विराट कोहलीशी केली जात आहे. असे असूनही बाबर आपल्या कामगिरीवर कोणत्याही प्रकारचे दडपण येऊ देत नाही. बाबरच्या नेतृत्वाखालील पाकिस्तान संघ मोठ्या स्पर्धा जिंकू पाहत आहे, गेल्या T20 विश्वचषकात पाकिस्तान स्पर्धा जिंकण्याच्या जवळ गेला होता.
(2 / 11)
२७ वर्षीय बाबर आझमने ७४ टी-20 आंतरराष्ट्रीय सामन्यांमध्ये एकूण २६८६ धावा केल्या आहेत. यादरम्यान त्याची सरासरी ४५ हून अधिक आहे. बाबर सध्या टी-20 क्रमवारीत पहिल्या क्रमांकावर आहे. बाबरने मोहम्मद रिझवानसोबत सुरेख खेळी करत टी-२० विश्वचषकात भारताविरुद्ध संस्मरणीय विजय मिळवून दिला होता. आशिया चषकातही बाबरकडून पाकिस्तानला खूप अपेक्षा आहेत.
(3 / 11)
अफगाणिस्तानचा स्टार फिरकीपटू राशिद खान आगामी आशिया चषक स्पर्धेतील सर्व संघांसाठी सर्वात मोठा धोका असेल. अफगाणिस्तानला आशिया चषकाचे जेतेपद मिळवून देण्याची क्षमता राशिदकडे आहे. या लेगस्पिनरने ६२ टी-20 आंतरराष्ट्रीय सामन्यांमध्ये एकूण १०९ विकेट्स घेतल्या आहेत.
(4 / 11)
तसेच, यूएईच्या खेळपट्ट्यांवर रशीद खानची गुगली समजणे फलंदाजांना कठीण जाईल. राशिद खान हा टी-२० मधील सर्वात धोकादायक गोलंदाजांपैकी एक आहे. त्याची ही गुणवत्ता पाहून तो टूर्नामेंटचा मानकरी होऊ शकतो,
(5 / 11)
सूर्यकुमार यादव सध्या जबरदस्त फॉर्ममध्ये आहे. पदार्पणापासूनच सूर्यकुमारने सातत्याने चांगली कामगिरी केली आहे. सध्याच्या ICC T20 क्रमवारीत ३१ वर्षीय सूर्यकुमार यादव पाकिस्तानचा कर्णधार बाबर आझमनंतर दुसऱ्या क्रमांकावर आहे. विंडीजविरुद्धची मालिका संपल्यानंतर सूर्यकुमारला आशिया चषक टी-20 पूर्वी फ्रेश होण्यासाठी ब्रेक मिळाला आहे.
(6 / 11)
मुंबईत जन्मलेल्या सूर्यकुमार यादवने २३ आंतरराष्ट्रीय टी-20 सामन्यांमध्ये एकूण ६७२ धावा केल्या आहेत. भारतीय क्रिकेटमध्ये ३६० डिग्री फलंदाज या नावाने प्रसिद्ध असलेल्या यादवकडे आपल्या फलंदाजीच्या जोरावर कोणत्याही परिस्थितीत सामना आपल्या दिशेने वळवण्याची क्षमता आहे. सूर्यकुमार आक्रमक क्रिकेट खेळण्यावर विश्वास ठेवतो. आयपीएलमध्ये मुंबई इंडियन्सकडून (MI) खेळणाऱ्या सूर्यकुमारमध्ये आशिया चषकात मालिकावीर बनण्याची क्षमता आहे.
(7 / 11)
सूर्यकुमार यादवप्रमाणेच पाकिस्तानचा युवा वेगवान गोलंदाज शाहीन आफ्रिदीही सध्या उत्कृष्ट फॉर्ममध्ये आहे. गेल्या वर्षी टी-20 विश्वचषकात शाहीनने आपल्या संघाला लवकर विकेट मिळवून देण्यात महत्त्वाची भूमिका बजावली होती. T20 विश्वचषक २०२१ च्या सामन्यात शाहीनने भारतीय संघाच्या आघाडीच्या फलंदाजांना स्वस्तात पॅव्हेलियनमध्ये पाठवून चांगलाच दणका दिला होता. शाहीन आफ्रिदी जगातील सर्वोत्तम वेगवान गोलंदाजांपैकी एक आहे.
(8 / 11)
डावखुरा वेगवान गोलंदाज असलेल्या शाहीन आफ्रिदीने ४० टी-20 आंतरराष्ट्रीय सामन्यांमध्ये ४७ विकेट्स घेतल्या आहेत. आशिया चषकात शाहीन मॅन ऑफ द टूर्नामेंट बनू शकतो. वेगवान गोलंदाजीसोबतच आफ्रिदी त्याच्या दमदार फलंदाजीसाठीही ओळखला जातो. पाकिस्तान सुपर लीगमध्ये शाहीन अनेकदा धावांचा पाऊस पाडताना दिसला आहे.
(9 / 11)
श्रीलंकेचा फिरकी गोलंदाज वानिंदू हसरंगाच्या क्षमतेवर कुणीही शंका घेऊ शकत नाही. हसरंगाची गोलंदाजी चालली तर श्रीलंकेचा संघ आशिया चषक जिंकून शकतो. फिरकी गोलंदाजीसोबतच हसरंगा खालच्या फळीत धावा करण्यातही माहीर आहे.
(10 / 11)
इंडियन प्रीमियर लीगच्या (IPL) १५व्या मोसमात वानिंदू हसरंगाने २६ विकेट्स घेतल्या होत्या. आयपीएल २०२२ मध्ये हसरंगाची ही कामगिरी पाहून श्रीलंकेच्या चाहत्यांच्या त्याच्याकडून अपेक्षा वाढल्या आहेत. हसरंगाने श्रीलंकेसाठी आतापर्यंत ३८ टी-20 सामन्यात ६२ बळी घेतले आहेत. यादरम्यान हसरंगानेही फलंदाजी करताना ३८२ धावा केल्या आहेत.
इतर गॅलरीज