Surya Gochar: आरोग्य बिघडेल, वायफळ पैसा खर्च होईल; सूर्याचे कन्या राशीतील गोचर ‘या’ लोकांचे करेल हाल!

ग्रहांचा राजा सूर्य आता कन्या राशीत प्रवेश करणार आहे. सूर्य १६ सप्टेंबर रोजी संध्याकाळी ७ वाजून ५२ मिनिटांनी कन्या राशीत प्रवेश करणार आहे. सूर्याच्या या संक्रमणाचा ५ राशींवर नकारात्मक परिणाम होणार आहे. यामुळे काही राशींवर आर्थिक संकट निर्माण होईल. एखाद्याच्या प्रतिष्ठेलाही धक्का बसू शकतो. लोकप्रियताही कमी होईल. कामात अपयश येईल आणि आरोग्यावर नकारात्मक परिणाम होतील.

मेष : सूर्याच्या कन्या राशीतील गोचराचा मेष राशीवर अशुभ प्रभाव पडतो. यामुळे तुमचा अहंकार वाढेल. यामुळे लव्ह लाईफमध्ये कलह होऊ शकतो. रागामुळे तुमच्या जोडीदारासोबतचे नाते बिघडू शकते. अशा वेळी तुम्ही शांत राहण्याची गरज आहे. 

तूळ : तुळ राशीच्या लोकांनी सूर्याचे गोचर सुरू असताना आरोग्याची काळजी घेणे आवश्यक आहे. थोडासा निष्काळजीपणाही तुमचं नुकसान करू शकतो. १६ सप्टेंबर ते १७ ऑक्टोबर या कालावधीत अनावश्यक खर्चावर नियंत्रण ठेवावे लागेल. अन्यथा आर्थिक अडचणींना सामोरे जावे लागेल. या दरम्यान तुमचे शत्रूही सक्रिय राहतील. ते तुमचे नुकसान करण्याचा प्रयत्न करतील. सावध राहावे लागेल.

मकर : सूर्याच्या राशी बदलामुळे मकर राशीच्या लोकांनीही सावधगिरी बाळगावी लागेल. मन शांत ठेवा. कठोर परिश्रम करा अन्यथा तुम्हाला यश मिळू शकणार नाही. कामातील हलगर्जीपणामुळे तुमचे खूप नुकसान होऊ शकते. संयम बाळगा. कामात शांत राहा. बोलण्यापूर्वी विचार करा. अन्यथा तुमच्या प्रतिष्ठेला धक्का बसेल. या काळात तुम्हाला आपल्या मानसिक आरोग्याची काळजी घ्यावी लागेल. अन्यथा तुम्ही तणावाखाली असाल.

कुंभ : कुंभ राशीच्या लोकांना सूर्याच्या गोचरामुळे आर्थिक अडचणींना सामोरे जावे लागेल. यामुळे तुम्ही महिनाभर तुमच्या पैशांचे योग्य व्यवस्थापन करू शकणार नाही. अनावश्यक खर्चामुळे पैशाची समस्या निर्माण होईल, कर्ज घ्यावे लागेल. बजेटनुसार काम करावे लागेल, वादापासून दूर राहावे लागेल, प्रतिकूल परिस्थितीत संयम आणि शांत राहावे लागेल. या काळात मोठे निर्णय घेऊ नका.

मीन : मीन राशीच्या व्यक्तींना या काळात नकारात्मक परिणामांना सामोरे जावे लागेल. आपल्या व्यवसायात अपेक्षित यश न मिळाल्याने आपण अस्वस्थ व्हाल. कामाच्या ठिकाणी कर्मचाऱ्याशी मतभेद होतील. नोकरदारांसाठी वेळ कठीण जाईल. काहीही चुकीचे करू नका. जबाबदारीने वागा. राजकारणापासून दूर राहा. तुमच्यात अहंकार वाढेल. काम आणि नातेसंबंध दोन्ही विस्कळीत होतील. या वेळी तुम्ही स्वत:मध्ये गुंग असाल. आरोग्याची काळजी घ्यावी लागेल.