Surya Gochar : कुंभसंक्रांतीला चुकूनही करू नका या ३ गोष्टींचे दान, शनिदेवाचा वाढेल कोप
Surya Gochar : कुंभसंक्रांतीला चुकूनही करू नका या ३ गोष्टींचे दान, शनिदेवाचा वाढेल कोप
- Surya Gochar Kumbh Sankranti Daan In Marathi : सूर्यदेव कुंभ राशीत प्रवेश केल्यानंतर कुंभसंक्रांत साजरी केली जाते. यावर्षी कुंभ संक्रांत १२ फेब्रुवारीला आहे. या दिवशी काही खास वस्तूंचे दान करावे आणि काही गोष्टी अशा आहेत ज्या चुकूनही दान करू नयेत, जाणून घेऊया त्याबद्दल.
Sun Transit In Aquarius In Marathi : कुंभ संक्रांत हा सूर्य आणि शनिदेवाशी संबंधित सण आहे. कारण या दिवशी सूर्य शनीच्या कुंभ राशीत प्रवेश करतो. या दिवशी या दोन्ही ग्रहांशी संबंधित वस्तूंचे दान करावे. यामुळे शनीचा कोप दूर होतो असे सांगितले जाते.
कुंभसंक्रांतीला लोक पवित्र नदीत स्नान करतात आणि दान देतात. या दिवशी दान केलेल्या वस्तूंचे अचूक फळ मिळते. यावर्षी कुंभसंक्रांतीला महाकुंभात अमृतस्नानही आहे.
कुंभ संक्रांतीला कपडे दान करा पण लक्षात ठेवा की, दान देण्याचे कपडे फाटलेले किंवा उसवलेले असू नयेत. उपयुक्त, चांगले आणि स्वच्छ कपडेच नेहमी दान करा. जेव्हा वाईट गोष्टींचे दान करतो तेव्हा शनिदेव कोपतो असे सांगितले जाते.
कुंभसंक्रांतीच्या दिवशी तेलदान करणे शुभ मानले जात नाही. यामुळे शनीच्या अशुभ परिणामाला सामोरे जावे लागू शकते आणि व्यक्तीला प्रगती, वैवाहिक जीवन आणि नोकरीत अडचणींचा सामना करावा लागतो.
कुंभसंक्रांतीला लोखंडापासून बनवलेल्या वस्तूंचे दान करणे टाळावे. शास्त्रांमध्ये याला अशुभ मानले जाते. त्याऐवजी तांबे किंवा पितळी सामानाचे दान करा.
कुंभसंक्रांतीला अन्नधान्य, पैसे, तीळ, खिचडी, वस्तू आदींचे दान करावे. यामुळे जीवनात आनंद येतो असे सांगितले जाते.
डिस्क्लेमर : ही माहिती केवळ धार्मिक श्रद्धा आणि विविध माध्यमांवर आधारित आहे. हिंदुस्तान टाइम्स मराठी तसा दावा करत नाही.
Priyanka Chetan Mali
