Bollywood Wife : 'या' अभिनेत्याच्या पत्नीला म्हणतात 'बॉलिवूडची नीता अंबानी'; कारण माहितीय का?

बॉलिवूडमध्ये एक असा अभिनेता आहे, जो गेल्या काही काळापासून निवडक चित्रपट करत आहे. परंतु, तो त्याच्या रेस्टॉरंट आणि व्यवसायातून भरपूर कमाई करत आहे. तो सर्वाधिक मानधन घेणाऱ्या अभिनेत्यांपैकी एक आहे. पण आज आम्ही तुम्हाला त्या अभिनेत्याच्या पत्नीबद्दल सांगणार आहोत, जी स्वतःचा व्यवसाय करून करोडो रुपये कमवत आहे.

बॉलिवूडमध्ये चर्चेत असणारी ही व्यक्ती म्हणजे सुनील शेट्टीची पत्नी माना शेट्टी. सुनील आणि माना यांचा प्रेमविवाह आहे. दोघांच्या लग्नाला जवळपास ४२ वर्षे झाली आहेत. मात्र, असे असूनही त्यांच्यातील प्रेम आजतागायत कमी झालेले नाही.

मानाने फॅशन डिझायनर म्हणून तिचा व्यावसायिक प्रवास तिची बहीण ईशासोबत सुरू केला होता. तेव्हा, ती फक्त १५ वर्षांची होती. मानाचे मुंबईत आर हाऊस नावाचे स्वतःचे लक्झरी डेकोर आणि गिफ्ट आयटम्सचे दुकान आहे. याशिवाय ती पतीसोबत रिअल इस्टेटमध्येही गुंतवणूक करते.

माना केवळ व्यवसायातच व्यस्त नसून, ती एक सामाजिक कार्यकर्तीही आहे. ती 'सेव्ह द चिल्ड्'रन नावाच्या एनजीओशीही ती संबंधित आहे. ती गरजू महिला आणि मुलांसाठी निधी उभारणी आणि प्रदर्शने आयोजित करते.

तिच्या नेटवर्थबद्दल बोलायचे तर, मीडिया रिपोर्टनुसार तिची एकूण संपत्ती १६-१७ कोटी रुपये आहे. स्टार बायोपिकनुसार सुनीलची एकूण संपत्ती २००-२५० कोटी रुपये आहे.

सुनील आणि मानाची प्रेमकथा देखील हटके आहे. अभिनेता सुनील शेट्टी याने, जेव्हा पहिल्यांदा मानाला पाहीले तेव्हाच तो तिच्या प्रेमात पडला होता. मानाचे मन जिंकण्यासाठी तो आधी मानाच्या बहिणीला भेटला आणि मग मानाची आणि सुनीलचीही भेट होऊ लागली. यानंतर दोघेही प्रेमात पडले.

मात्र, दोघेही आपापल्या कुटुंबात लग्नाबाबत बोलण्यासाठी गेले असता त्यांना नकार मिळाला होता. सुनील आणि मानाला दोन्ही कुटुंबांकडून होकार मिळवायला ९ वर्षे लागली.