Sridevi Daughters: श्रीदेवीला दोन नाही तर तीन मुली! जान्हवी, खुशी कपूरच नव्हे तर ‘ही’ तिसरी मुलगीही दिसते सुंदर
Sridevi Daughters: श्रीदेवीला दोन नाही तर तीन मुली! जान्हवी, खुशी कपूरच नव्हे तर ‘ही’ तिसरी मुलगीही दिसते सुंदर
Jul 09, 2024 06:26 PM IST
Sridevi Daughters: श्रीदेवी तिच्या दोन मुली जान्हवी आणि खुशीच्या खूप जवळ होती. पण, तुम्हाला माहित आहे का की, अभिनेत्रीला दोन नाही तर तीन मुली आहेत.
(1 / 6)
दिवंगत बॉलिवूड अभिनेत्री श्रीदेवी आता या जगात नसली, तरी कोणत्या ना कोणत्या कारणाने चर्चेत असते. अभिनेत्री जान्हवी कपूरनेही अनेकवेळा तिच्या आईसोबतचे फोटो सोशल मीडियावर शेअर करून चाहत्यांसमोर आपल्या भावना व्यक्त केल्या आहेत. श्रीदेवी तिच्या दोन मुली जान्हवी आणि खुशीच्या खूप जवळ होती. पण, तुम्हाला माहित आहे का की, अभिनेत्रीला दोन नाही तर तीन मुली आहेत. सावत्र मुलगी अंशुला नव्हे, तर श्रीदेवीला आणखी एक मुलगी आहे.
(2 / 6)
श्रीदेवीची ही तिसरी मुलगी पाकिस्तानी अभिनेत्री सजल अली आहे. श्रीदेवी सजल हिला आपली मुलगी मानत होती. श्रीदेवीने स्वतः एका मुलाखतीत सांगितले होते की, सजल अली ही तिला तिच्या मुलींसारखीच आहे. श्रीदेवीचा 'मॉम' हा चित्रपट २०१७मध्ये रिलीज झाला होता.
(3 / 6)
या चित्रपटात अभिनेत्री श्रीदेवीने सजल अलीच्या आईची भूमिका साकारली होती. आई आणि मुलीची एक अतिशय भावनिक आणि हृदयस्पर्शी कथा चित्रपटात दाखवण्यात आली आहे. या चित्रपटातूनच सजल अभिनेत्री श्रीदेवीच्या खूप जवळ आली होती. तेव्हापासून श्रीदेवी तिला आपली मुलगी मानते.
(4 / 6)
एका मुलाखतीदरम्यान श्रीदेवी म्हणाली होती की, 'मॉम' चित्रपटाच्या सेटवर तिची ऑनस्क्रीन मुलगी सजल अली आणि तिच्या दोन मुली जान्हवी कपूर आणि खुशी कपूर यांच्यात खूप चांगले बाँडिंग झाले होते. यावेळी श्रीदेवी म्हणाली होती की, सजलच्या आईचे अचानक निधन झाले, त्यामुळे ती खूप निराश झाली होती. त्यामुळेच श्रीदेवीने सजलला आपल्या मुलीचा दर्जा दिला.
(5 / 6)
श्रीदेवी म्हणाली होती की, सजल माझी तिसरी मुलगी आहे. मला असे वाटते की मी तीन मुलींची आई झाले आहे. २०१८मध्ये श्रीदेवीचे निधन झाले, तेव्हा सजल अलीने ‘हिंदुस्तान टाईम्स’ला दिलेल्या मुलाखतीत सांगितले होते की, 'ती मला सोडून जाईल असे मला वाटले नव्हते. ती माझी आई होती. तिच्या जाण्याने मला धक्का बसला आहे. मी दुसरी आई गमावल्यासारखे वाटतेय.’
(6 / 6)
२०१८मध्ये श्रीदेवीने दुबईत अखेरचा श्वास घेतला होता. अभिनेत्री श्रीदेवी पती बोनी कपूरसोबत एका कार्यक्रमाला गेली होती, जिथे ती एका हॉटेलच्या खोलीच्या बाथटबमध्ये मृतावस्थेत आढळली.
इतर गॅलरीज