भारतीय सुपरहिरो म्हणून बॉलिवूड अभिनेता सोनू सूद ओळखला जातो. सर्वसामान्य माणसे मदतीसाठी कायमच सोनू सूदकडे हात पसरतात. अभिनेता देखील त्याला शक्य होईल त्या पद्धतीने मदत करण्याचा प्रयत्न करत असतो. सोनू सूद खास करुन सोशल मीडियाच्या माध्यमातून मदत करताना दिसतो. पण सध्या सोनू सूदने एका डिलिव्हरी बॉयसाठी घेतलेल्या भूमिकेमुळे ट्रोल होताना दिसत आहे.
सोशल मीडियावर दिल्लीतील गुरुग्राम येथील एक व्हिडीओ व्हायरल झाला होता. या व्हिडीओमध्ये डिलिव्हरी बॉयने चक्क घरातून ब्रँडेड शूज चोरी केल्याचे दिसत होते. हा व्हिडीओ सोशल मीडियावर चांगलाच व्हायरल झाला होता. (Photo by Sujit JAISWAL / AFP)
(AFP)अनेकांनी सोशल मीडियावर डिलिव्हरी बॉयच्या कृत्याबद्दल टीका केली आणि कंपनीला त्याच्यावर कठोर कारवाई करण्यास सांगितले. पण अभिनेता सोनू सूद मात्र त्याच्या बचावासाठी उतरला. त्या डिलीव्हरी बॉयला नव्या चपला भेट द्यायला हव्या होत्या अशी पोस्ट त्याने लिहिली.
सोनू सूदने एक्स या सोशल मीडिया अकाऊंटवर "त्या डिलिव्हरी बॉयने एखाद्याच्या घरी डिलीव्हरी करताना शूजची एक जोडी चोरली तर त्याच्यावर कोणतीही कारवाई करू नका. त्याला नवीन चप्पल खरेदी करुन द्या. त्याला खरी गरज असू शकतो. दयाळू व्हा" या आशयाची पोस्ट केली