Congress Protest : मोदी सरकारविरोधात सोनिया गांधी मैदानात, काळे कपडे घालून संसद परिसरात निदर्शने!

Congress Protest Against Modi Govt In Delhi : राहुल गांधी यांची खासदारकी रद्द करण्यात आल्याच्या प्रकरणावरून काँग्रेसच्या माजी अध्यक्षा सोनिया गांधी यांनी दिल्लीत काळे कपडे परिधान करत मोदी सरकारचा निषेध केला आहे.

काँग्रेसच्या अध्यक्ष मल्लिकार्जुन खर्गे यांच्यासह पक्षाच्या अनेक खासदारांनी काळे कपडे घालून मोदी सरकारविरोधात घोषणाबाजी केली.

देशातील लोकशाही वाचवण्यासाठी आम्ही आंदोलन करत असल्याचं काँग्रेसचे अध्यक्ष खर्गे यांनी म्हटलं.

प्रसिद्ध उद्योगपती गौतम अदानी आणि पीएम नरेंद्र मोदी यांच्यात नेमके काय संबंध आहे?, असा सवालही काँग्रेसच्या खासदारांनी उपस्थित केला.

यावेळी मोडानी (मोदी-अडानी) प्रकरणाच्या चौकशीची मागणी काँग्रेसच्या खासदारांनी केली आहे.

राष्ट्रपिता महात्मा गांधी यांचं बॅनर हाती घेत काँग्रेसच्या खासदारांनी संसद परिसरात आंदोलन केलं. त्यावेळी मोदी सरकारविरोधात पोस्टरबाजी देखील करण्यात आली.

मोदी सरकारविरोधातील या आंदोलनाचं नेतृत्व काँग्रेसच्या माजी अध्यक्षा सोनिया गांधी यांनी केलं. यावेळी त्यांनी देखील मोदी सरकारच्या धोरणांवर टीका केली आहे.